• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 15:26:09
Almaty

Memleket basshysy "QazMunaıGaz" UK" aksıonerlik qoǵamynyń basqarma tóraǵasy Alık Aıdarbaevty qabyldady. Bul týraly Aqorda saıty habarlady.

Aıdarbaev prezıdentke ulttyq kompanııanyń byltyrǵy atqarǵan jumystarynyń nátıjeleri týraly esep berip, orta merzimdegi damý strategııasy tanystyrdy.

Sonymen qatar ol Toqaevqa "QazMunaıGaz" kompanııasynyń daǵdarys jaǵdaıynda qarjylyq turaqtylyqty saqtaǵanyn jáne qazirgi ýaqytta pandemııaǵa deıingi kórsetkishterge qol jetkizý baǵytynda jumys júrgizilip jatqanyn málimdedi.

"Memleket basshysyna Kaspıı qaırańyndaǵy paıdaly qazbalardy ıgerý jónindegi "Abaı", "Isataı", "Jeńis" jáne "Ál-Farabı" sııaqty ınvestısııalyq jobalardyń qazirgi mártebesi týraly aqparat berildi. Alık Aıdarbaev polıpropılen, polıetılen jáne býtadıen óndirisi boıynsha munaı-gaz hımııasy jobalaryna qatysty jumystardyń barysyna arnaıy toqtaldy. Sonymen qatar jańartylatyn qýat kózderin damytý jáne kómirteginen tazartý jónindegi kompanııanyń josparlary týraly aıtty.

"QazMunaıGaz" UK" AQ basqarma tóraǵasy Prezıdentke ulttyq kompanııanyń iske asyryp jatqan áleýmettik mańyzy bar jobalary jaıynda, atap aıtqanda, "Astrahan-Mańǵyshlaq" magıstraldy sý qubyrynyń qaıta jóndelýi jáne Mańǵystaý oblysynyń Kendirli kentindegi sý tushytatyn zaýyttyń qurylysy týraly baıandaldy" delingen resmı saıt habarlamasynda.

Kezdesý qorytyndysy boıynsha Qasym-Jomart Toqaev Alık Aıdarbaevqa ulttyq kompanııanyń qarjylyq turaqtylyǵyn odan ári saqtaýǵa, ınvestısııalyq jáne ınfraqurylymdyq jobalardy iske asyrýǵa, jańartylatyn qýat kózderin paıdalanýǵa qatysty birqatar tapsyrma berdi. Sondaı-aq jumyspen qamtý máselesin jáne kompanııa qyzmetkerleriniń áleýmettik jaǵdaıyn baqylaýda ustaýdy tapsyrdy.

"Qamshy" silteıdi
Ilmek sózder: Toqaev Alık Aıdarbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir