Foto: Polisia.kz
Qyzylordada eki kún buryn joǵalyp ketken balanyń denesi tabyldy, dep habarlady Polisia.kz saıty.
Saıt málimetinshe, eki kún boıy habar bolmaǵan Altaır Bahytty izdestirý jumystaryna polısııa departamentiniń, qalalyq polısııa basqarmasynyń jeke quramy, ulttyq ulan sarbazdary, tótenshe jaǵdaılar departamenti, eriktiler jáne jergilikti turǵyndar qatysqan.
– Búgin, 29 sáýir kúni jergilikti ýaqytpen saǵat 11:00 shamasynda jeke turǵyn úıdiń káriz qudyǵynan joǵalǵan balanyń denesi tabyldy. Qajetti sot-medısınalyq saraptamalar taǵaıyndaldy. Balanyń denesinen kózge kórinetin zorlyq-zombylyq belgileri baıqalmaıdy. Oqıǵa boıynsha tergeý bastaldy, – dedi oblystyq polısııa departamentiniń basshysy Bektóre Sultan.
Qyzylorda oblysy polısııa departamenti Altaırdyń ata-anasy men týystaryna kóńil aıtatynyn habarlady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir