Chehııanyń reseılik 18 dıplomat-tyńshyny elden shyǵarýynyń astary qandaı?

Chehııanyń reseılik 18 dıplomat-shpıondy elden shyǵaryp jiberýinde mán bar eken. Praga 2014 jyly Chehııadaǵy qarý-jaraq, oq-dári qoımasynyń jarylyp ketýindegi Reseıdiń róli týraly máseleni talqylaýǵa NATO-ǵa usynys jasapty. Praga 2014 jyly Chehııadaǵy qarý-jaraq, oq-dári qoımasynyń jarylýyndaǵy Reseıdiń rólin talqylaý týraly NATO-ǵa usynys jasady. Reseı buǵan jaýap retinde chehııalyq 20 dıplomatty RF-dan qýǵaly jatyr. Chehııanyń 18 dıplomatty elden qýýyn Polsha men AQSh memlekettik departamenti qoldaǵan.

Qazirgi kezde Batys elderiniń barlyǵy Reseıge qarsy qozǵalys ústinde. Shamasy onyń basqa elderdiń ishki isterine tumsyǵyn suǵa berýi olardyń da qytyǵyna ábden tıse kerek. Biraq bári Tramp kezinde ashyq aıtýǵa bata almaı ishterinen tynǵan sııaqty. Polshanyń, Chehııanyń, onyń aldynda Ulybrıtanııanyń, Norvegııanyń demarshtary osynyń aıǵaǵy.

Biraq bárinen de asyp túskeni Estonııanyń eks-prezıdenti Toomas Hendrık Ilvestiń málimdemesi boldy. Ol jalpy reseılikterge ýaqytsha Eýroodaqqa kirýge tyıym salý kerek depti týıtterdegi jazbasynda.

"Mundaı ýaqytsha úzilis RF tarapynan kez kelgen vızıtke qatysty bolsa deımin. Barlyq qarym-qatynasty múldem toqtatý kerek. Qyrymǵa basyp kirgenge deıin osy bir órkókirek adamdar tipti EO-men vızasyz rejım engizý kerek dep talap qoıǵan bolatyn. Jaı ǵana vıza berýdi toqtatyńyz, boldy. Tek keıbir otbasy jaǵdaılaryna baılanysty tótenshe jaǵdaılar bolsa, sony eskerý kerek shyǵar. Eýropanyń qaýipsizdigi turǵanda qaıdaǵy vıza? dep jazdy Ilves.

"Reseımen aradaǵy barlyq elshilikterdi jabý kerek" degen usynys buǵan deıin de aıtylǵan bolatyn. Endi Estonııanyń burynǵy basshysynyń aýzymen aıtylyp otyrǵan usynys – Reseı máselesin naqty, túbegeıli sheshý joldarynyń biri, bul Reseıge degen Batys elderiniń qazirgi kózqarasy deýge bolady.

Qýanysh Edilhantegi

Sholýshy