"Qytaı, jerimizge kóz salma!". Mıtıngten fotoreportaj

Búgin Almatydaǵy Shoqan Ýálıhanov atyndaǵy alańda Demokratııalyq partııa bastamashyl toby men onyń jaqtastarynyń Qazaqstanda Qytaı zaýyttarynyń salynýyna qarsy mıtıngi ótti. Qamshy tilshisi oqıǵa ornynan fotoreportaj daıyndady.

Mıtıng bastalmaı turyp 10-ǵa jýyq adamdy avtozagqa salyp alyp ketti. Olarǵa kedergi jasamaq bolǵan belsendiler Janbolat Mamaı, Abzal Dostııarovty polıseıler ıterip, kólik júrip ketti.

Mıtıngke shyqqandar "Qytaı elshisi elshi me, jaýshy ma?", "Úkimet Qazaqstandy saýdaǵa salmaq", "Qytaı ekspansııasyna jol joq", "Qytaı, jerimizge kóz salma", "Jerińdi qorǵamasań, "jer" bolasyń", "Qytaı ekspansııasy táýelsizdikten aıyrý", "Jer satylmaıdy, jalǵa berilmeıdi", "Sańyraý prezıdent kerek emes", "Ultaraqtaı bolsa da, ataqonys jer qymbat", "Nazarbaev – alaıaq, dıktator, zalym, ury, jemqor, qanisher" degen jazýdaǵy plakattar ustap shyqty.

Mıtıng kezinde bir qarııanyń murny qanap, esinen tanyp qaldy. Belsendiler qarııanyń qulaýyn "densaýlyǵynyń syr berýimen" túsindirdi.