Muhtar Taıjan: Azamattyq alǵysy keletinder qazaq tilinen emtıhan tapsyrýy qajet

Búgin elordada ótken jer reformasy jónindegi komıssııa otyrysynda komıssııa múshesi, qoǵam belsendisi Muhtar Taıjan birneshe usynys jasaǵan bolatyn. Sonyń biri Qazaqstan azamattyǵyn berý tártibin qatańdatýdyń qajetigi jóninde boldy.

Muhtar Taıjan Qazaqstan azamattyǵyn alyp, jer telimderine ıe bolýǵa nıetti shetel azamattarynyń baryna nazar aýdaryp, azamattyq alǵysy kelgen adamǵa elde kem degende bes jyl turý, halyqaralyq tájirıbege súıenip, ózge damyǵan memleketterdegideı memlekettik tilden emtıhan tapsyrý sekildi talaptar engizilýi kerek dep sanaıdy.

Qoǵam belsendisi sondaı-aq jerdi Qazaqstan azamattarynaıda satýǵa tyıym salý, jerdi kim jaldap otyrǵanyn halyqqa ashyq jarııalaý, ár aýyldyń mańaıyndaǵy jaıylym jerlerin memleket menshigine qaıtarý, bos jatqan jerlerdi kosmomonıtrıng arqyly memleketke qaıtarý, jerdi bólý men berý prosesin sıfrlandyrý, ashyq qylý sekildi bastamalar kóterdi.