Kórneki sýret
Májilistegi "Nur Otan" partııasy fraksııasynyń depýtattary Aıgúl Nurkına men Vera Kım jumys isteıtin jastar úshin jalǵa beriletin páterler qurylysyn qarjylandyrýdy 2025 jylǵa deıin uzartý bastamasyn kóterip premer-mınıstr Asqar Mamınge depýtattyq saýal joldady.
Depýttattar turǵyn úı-kommýnaldyq damýdyń 2020-2025 jyldarǵa arnalǵan "Nurly jer" memlekettik baǵdarlamasyna sáıkes, 2022 jyldan bastap jumys isteıtin jastar úshin jalǵa beriletin páterler qurylysyn jyl saıyn qarjylandyrý qarastyrylmaǵanyn atap ótti.
"Osyǵan baılanysty, memlekettik baǵdarlamaǵa jumys isteıtin jastar úshin jalǵa beriletin páterler qurylysyn qarjylandyrýdy 2025 jylǵa deıin uzartý bóliginde ózgerister engizý qajet dep sanaımyz. Osy depýtattyq saýalǵa jaýapty "Qazaqstan Respýblıkasynyń Parlamenti jáne onyń depýtattarynyń mártebesi týraly" Konstıtýsııalyq zańnyń 27-shi babyna sáıkes jazbasha berýińizdi suraımyz" delingen depýtattyq saýalda.
2019-2020 jyldary jas mamandar men jas otbasylarǵa 4 myńǵa jýyq páter berilse, bıyl Nur-Sultan, Almaty jáne Shymkent qalalarynda taǵy 3 myń páter úlestiriledi dep josparlanǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir