Shymkentte 62 Qytaı azamatyn zańsyz jumysqa qabyldaǵany belgili boldy

Shymkent qalasynda О́zbekstannyń 70 azamaty men Qytaıdyń 62 azamatyn jumysqa zańsyz qabyldaǵandar anyqtaldy, dep habarlady polisia.kz saıty.

Aqpan aıynda ishki ister mınıstrligi "Mıgrant" jedel aldyn alý is-sharasynyń eki kezeńin ótkizgen.

– Pandemııaǵa kezinde Qazaqstan aýmaǵynda bolǵan myńdaǵan sheteldik elden shyǵa almaı qaldy. Ishki ister mınıstrligi kóshi-qon qyzmetiniń, shet memleketter ókildikteriniń jáne kóshi-qon jónindegi halyqaralyq uıymnyń kómegimen bul adamdardyń qujattaryn resimdeýge kómek kórsetildi. Jyl basynan beri polısııa qyzmetkerleri 133 myń zańsyz mıgrantqa elden óz erkimen ketýge kómektesti. Tólqujattarynyń qoldanylý merzimi ótken 675 sheteldik qaıtyp oralýǵa arnalǵan kýálik aldy, – dedi ishki ister mınıstri Erlan Turǵymbaev.

Saıt málimetinshe, kóshi-qon zańnamasyn qasaqana buzý faktileri de anyqtalǵan. Jedel-profılaktıkalyq is-shara barysynda 582 jumys berýshi sheteldik jumys kúshin tıisti ruqsatsyz paıdalanǵany úshin jaýapkershilikke tartyldy. Zańsyz kóshi-qondy uıymdastyrý faktileri boıynsha 28 qylmystyq is tirkeldi.

Shymkent qalasynda О́zbekstannyń 70 azamaty men Qytaıdyń 62 azamatyn jumysqa zańsyz qabyldaǵan birqatar zańdy tulǵalar anyqtaldy. Qazirgi ýaqytta zańsyz kóshi-qondy uıymdastyrý faktisi boıynsha sotqa deıingi tergeý bastaldy.

Sonymen qatar, jedel-profılaktıkalyq is-shara barysynda izdeýde júrgen 140 qylmysker ustaldy. Olardyń ishinde 129 qazaqstandyq, TMD elderiniń 10 azamaty, sondaı-aq seksýaldyq sıpattaǵy zorlyq-zombylyq áreketteri jáne bopsalaý faktisi úshin halyqaralyq izdeýde júrgen Túrkııa azamaty bar.

– Qazaqstandyqtar ǵana emes, sheteldikter de ózderin qaýipsiz sezinýi tıis. Bul – polısııanyń negizgi mindeti. Sonymen birge bizdiń elde ýaqytsha júrgen qonaqtar zańdardy qurmetteýge jáne elde bolý erejelerin buzbaýǵa mindetti. Sondyqtan kóshi-qon qyzmetiniń bul baǵyttaǵy jumysy turaqty túrde júrgizilýi tıis, – dedi mınıstr Turǵymbaev.

Kóshi-qon qyzmeti komıtetiniń málimetinshe, kóshi-qon zańnamasyn qasaqana buzýshylarǵa qatysty zańsyz ımmıgranttardy shyǵarýǵa 969 sot sheshimi shyǵarylǵan.