Depýtattar zeınet jasyn 60-qa deıin tómendetýdi usyndy

"Qazaqstan halyq partııasy" fraksııasynyń depýtattary Qazaqstandaǵy zeınetaqy júıesi reformalarǵa muqtaj dep sanaıdy. Olar óz usynystaryn Premer-mınıstr Asqar Mamınge joldady, dep habarlady zakon.kz.

– Qazaqstandyqtardyń kópshiliginde jalaqynyń azdyǵyna baılanysty zeınetaqy jınaqtary jetkiliksiz. Bizdiń partııa buryn dáleldengen yntymaqtastyq zeınetaqy júıesine oralýdy usynady. Bizdiń basty usynystarymyzdyń biri – azamattardyń zeınetke shyǵý jasyn qaıta qaraý, ony eńbek jaǵdaılarynyń aýyrlyǵyna qaraı esepteý kerek.

Azamattyń jynysyna qaramastan, zeınetkerlikke shyǵý shegi 60 jasqa deıin tómendetilýi kerek. Jumyssyz jastar týraly kúrdeli másele týyndap jatqan jaǵdaıda, zeınetkerlik jasty birtindep ulǵaıtý múlde maǵynasyz bolyp kórinedi, – dedi májilis depýtaty Aleksandr Mılıýtın.

Onyń aıtýynsha, eń tómengi bazalyq zeınetaqy tıisti jyldyq túzetýmen ortasha jalaqyǵa teń bolýy kerek.

Sondaı-aq "Qazaqstannyń halyqtyq partııasy" Úkimetten bolashaq zeınetkerlerge qarjylyq "qaýipsizdik jastyǵyn" qalyptastyrý quraldarynyń tizimin keńeıtýdi surady.

– Laıyqty qarttyqqa degen quqyq ınflıasııany eskerip qana qoımaı, naqty tutyný baǵalarynyń ósý ındeksin, sondaı-aq jalaqynyń ósý ındeksin eskere otyryp, zeınetaqyny jyl saıynǵy ındeksasııalaý arqyly qoldaý qajet, – dep atap ótti májilis depýtaty.