Qyzyn úıden qýyp shyqqan áıeldiń áreketine baılanysty polısııa málimdeme jasady

Nur-Sultan qalasynda qatygez ana balalaryn aıtqanyn istete almaǵany úshin úı kıimmen qalada otyrǵyzyp aıaýsyz jazalaǵan oqıǵaǵa baılanysty qalalyq polısııa departamenti málimdeme taratty.

"23 jeltoqsan saǵat 21:20-da polısııaǵa astana turǵynynan kórshisi alty jasar balasyn uryp, segizdegi qyzyn dalaǵa qýyp shyqqany týraly habarlama kelip tústi. Polısııa qyzmetkerleri 35 jastaǵy áıel osy arqyly kórshisiniń kir qystyrǵyshyn oınaý úshin ruhsatsyz alǵan balalaryn jazalamaq bolǵanyn anyqtady. Otbasy Nur-Sultan qalalyq polısııa departamenti ıývenaldyq polısııanyń profılaktıkalyq esebine alyndy" delingen taratylǵan aqparattyq habarlamada.

Buǵan deıin qatygez ana balalaryn sabap, dálizge qondyryp, úı kıimmen qalada otyrǵyzyp qoıǵany habarlanǵan.