23 Naýryz, 2024 NEWS
Foto: SHOT
Máskeýdegi "Krokýs Sıtı Holldaǵy" terakt saldarynan qaza tapqandar sany 82-ge jetken. Bul týraly "112" telegram arnasy jazdy. Arnadaǵy málimetke saı,
183 adam jaralanǵan.
Buǵan deıin Máskeý gýbernatory Andreı Vorobev 60 adam qaza taýyp, 115 adam aýrýhanaǵa túskenin málim etken.
Qazaqstanyń Ǵylym jáne joǵary bilim mınıstrligi lańkestik shabýyldan qazaqstandyq stýdentter zardap shekpegenin málimdedi.
Reseı Federasııasynda "Bolashaq" jáne "500 ǵalym" baǵdarlamasy boıynsha búginde 32 qazaqstandyq azamat bilim alýda, 24 stıpendıat Máskeýde.
Olardyń eshqaısysy zardap shekken joq. Barlyq stıpendıattar baılanysqa shyqty" delingen habarlamada.
SIM resmı ókili Aıbek Smadııarov qaza tapqandar nemese zardap shekkender arasynda Qazaqstan azamattarynyń bolýy týraly aqparat túspegenin jetkizdi.
Álem elderi Reseı astanasyna jasalǵan shabýyldy qatań aıyptap jatyr.
"Qazaqstan Máskeýdegi beıbit azamattarǵa qarsy terrorıstik aktini qatań aıyptaıdy", – dep málimdedi Prezıdent Qasym-Jomart Toqaev
Memleket basshysy terrorızmdi múlde aqtaýǵa bolmaıdy dep sanaıdy. Ol BUU-ǵa múshe memleketterdi jazyqsyz azamattarǵa qarsy zorlyq-zombylyqtyń bul túrine biraýyzdan qarsylyq tanytýǵa shaqyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir