Balalar qashanda memleket qamqorlyǵynda

Qazirgi ýaqytta memlekettik saıasattyń negizgi baǵyttarynyń biri – sapaly arnaýly áleýmettik qyzmet kórsetý.

Halyqty áleýmettik qorǵaý salasyndaǵy arnaýly áleýmettik qyzmetter kórsetýdiń 2015 jylǵy 26 naýryzdaǵy № 165 standartymen 8 arnaýly áleýmettik qyzmet bekitildi.

«Qazan aıynyń basynda balalarǵa arnalǵan eki arnaýly áleýmettik qyzmet kórsetý ortalyǵynda memlekettik organdardyń mamandary men qoǵam ókilderiniń qatysýymen monıtorıngtik jumystar júrgizildi»,- deıdi Eńbek, áleýmettik qorǵaý jáne kóshi-qon komıtetiniń Almaty oblysy boıynsha departamentiniń halyqty áleýmettik qorǵaý salasyndaǵy baqylaý bóliminiń basshysy Aıgerım Týlegenqyzy.

Monıtorıngtik top músheleriniń negizgi tujyrymdary men usynystary bul — mamandardyń kásibı deńgeıin arttyrýǵa baǵyttalǵan jumysty kúsheıtý; jeke jumys josparlaryn, sondaı-aq standartqa sáıkes toqsan saıynǵy monıtorıngti qaıta qaraý; perspektıvalyq, apta saıynǵy mázirlerdi ázirleý kezinde táýliktik rasıondy jáne balalardyń jas erekshelikterin eskere otyryp, Qazaq tamaqtaný akademııasymen birlesip ázirlengen normalardy basshylyqqa alý; Áleýmettik qyzmet alýshylar úshin Standartta belgilengen tártippen arnaýly áleýmettik qyzmet kórsetý jónindegi talaptardy qatań baqylaý qajet jáne ýákiletti organ turaqty negizde ádistemelik jáne praktıkalyq kómek kórsetýge tıis.

Qamqorlyqtaǵylarǵa eń tómengi qajettiliktermen ǵana emes, áleýmettik damýmen de qamtamasyz etilýge tıis, al arnaýly áleýmettik qyzmetter sapasynyń tómendigi olardy áleýmettik oqshaýlaýǵa ákep soǵýy múmkin, buǵan jol berýge bolmaıdy jáne Qazaqstan Respýblıkasynyń áleýmettik qorǵaý salasyndaǵy zańnamasymen qorǵalady.

Arnaýly áleýmettik qyzmetterdiń kepildik berilgen kólemin kórsetý týraly sheshimdi oryndamaý túrinde jasalǵan buzýshylyq «ákimshilik quqyq buzýshylyq týraly»Qazaqstan Respýblıkasy Kodeksiniń 84-babynyń 2-bóligine sáıkes ákimshilik jaýaptylyqqa tartýǵa ákep soǵady.