Qaraqııa aýdanynda "Nur Otan" partııasy úgit-nasıhat jumystaryn jalǵastyrýda

Qaraqııa aýdanynda saılaýaldy úgit-nasıhattyq jumystary aıasynda búgin eki birdeı shara uıymdastyryldy. Alǵashqysy «Esikten esikke» aksııasy, ekinshisi kanvassıng.

Aýdandyq máslıhat depýtatyna úmitker Darhan Qystaýbaev Qulandy aýyly turǵyndarynyń úıine baryp, partııanyń saılaýaldy baǵdarlamasyn túsindirý jumystaryn júrgizdi. "Qazaqstannyń basty 7 jetistigi" men "Nur Otan-ǵa daýys ber", "Jańa jetistiktirge birge jetemiz!" atty únparaqtar taratty. Sonymen qatar aýyl turǵyndarynyń talap-tilekterin tyńdady.

«Esikten esikke» aksııasy aıasynda Bostan aýyly halqymen júzbe-júz kezdesýler ótti. Aýdandyq shtab múshesi Saǵatbek Jubanov pen «Jas Otan» jastar qanatynyń eriktileri aýyl turǵyndarynyń shańyraqtaryna arnaıy bardy. Partııa tóraǵasy Elbasymyzdyń el táýelsizdigin saqtap, damyǵan elderdiń qataryna qosylýy jolynda etken eren eńbegin aıtyp, beıbit tirshiligimiz sol kisiniń arqasy ekenin jetkizdi. Qaraqııa aýdanyn ekonomıkalyq-áleýmettik jaǵynan damytý baǵytyndaǵy saılaýaldy baǵdarlamasymen tanystyrdy. "Nur Otan" partııasy elimizdiń búgingi jetken jetistikterin jalǵastyrýǵa múddeli saıası ınstıtýt ekeni aıtylyp, turǵyndardan mazalaǵan máseleleri suraldy.

Bostan aýylynyń halqy da óz taraptarynan alǵysyn bildirip, úıme-úı aralap, aqparattyq nasıhat jumystaryn júrgizip júrgen azamattarǵa alǵysyn jetkizdi. Saılaýǵa belsendi qatysýǵa sóz berip, halyq úshin qyzmet etetin azamattardy tańdaıtyndyqtaryn aıtty.

«Nur Otan» partııasynyń Mańǵystaý oblysy Qaraqııa aýdanynyń Saılaý qory qarajatynan tólendi