Mınıstrlik: 1 jeltoqsanda koronavırýsqa shaldyqqan 13 444 adam em qabyldap jatyr

Qazaqstanda bir táýlikte 689 adamnan koronavırýs anyqtalyp, 7 adam qaıtys bolǵan. 68 adamnan koronavırýs ınfeksııasynyń belgileri bar pnevmonııa anyqtalǵan. 13 444 naýqas  em qabyldap jatyr.

"1 jeltoqsandaǵy málimetke sáıkes, qazirgi ýaqytta koronavırýs ınfeksııasynan 13 444 adam em qabyldaýyn jalǵastyrýda. Olardyń arasynda 912 bala bar. Stasıonarlarda 3 586 naýqas jatyr. 9 858 adam ambýlatorııalyq jaǵdaıda emdelýde. Jalpy naýqastardyń arasynda 232 adamnyń jaǵdaıy nashar. Sonyń ishinde 30 naýqastyń hali asa qatty aýyr dep baǵalanýda. 31 naýqas ókpeni jasandy jeldetý apparatyna qosylǵan" delingen densaýlyq saqtaý mınıstrliginiń aqparatynda.

Elde koronavırýs tirkelgen alǵashqy kúnnen búginge deıin vırýs juqtyrǵandar sany 132 348 adamǵa jetti. Onyń ishinde 2041 adam ólgen.

1 tamyzdan beri 42 215 adamnan pnevmonııa anyqtalǵan. Onyń 443-i qaıtys bolǵan.