16 Qarasha, 2020 Barlyq aımaqtar

Borat24: QR UQK qylmystyq topty ustady

Transulttyq esirtki qurylymyna qatysýshy 34 adam ustalyp, 8 esirtki zerthanasy joıyldy.

Foto: tengrinews.kz

2020 jyldyń sáýir-qazan aılary aralyǵynda Qazaqstan Respýblıkasy ulttyq qaýipsizdik komıteti shetelden Qazaqstanǵa sıntetıkalyq esirtki jetkizýdi, sondaı-aq olardy jasaýdy jáne “Borat24” ınternet-dúkeni arqyly satýdy júzege asyrǵan transulttyq qylmystyq top áreketiniń jolyn kesý boıynsha aýqymdy operasııa ótkizdi, dep habarlaıdy Qamshy.kz aqparat agenttigi QR UQK baspasóz qyzmetine silteme jasap.

Transulttyq esirtki qurylymyna qatysýshy 34 ustalyp, 8 esirtki zerthanasy joıyldy. Elimizdiń iri megapolısteri – Nursultan, Almaty men Shymkentke kontrabandalyq jolmen ákelingen 40 kg psıhotroptyq zat alyndy. Alynǵan esirtkiniń qara naryqtaǵy bólshek qunynyń boljamdy baǵasy 600 mln teńgeni quraıdy (80 myń mólsherleme).

Odan basqa, "bıtkoındar" satyp alý jáne olardy shetelge shyǵarý boıynsha qarjy operasııalaryn júzege asyrý jolymen esirtki satýdan alynǵan aqshalaı qarajatty zańdastyrýdy uıymdastyrǵan zańsyz krıptoaıyrbastaýyshtar áreketiniń joly kesildi. Bul rette, alynǵan aqshany zańdastyrý úshin kómekshiler jasaǵan 6 jyljymaly "maınıng ferma" anyqtaldy. Esirtki qurylymynyń kómekshileri 2 jylda (2018 jylǵy qańtar men 2019 jylǵy jeltoqsan aralyǵynda) 2,5 mlrd teńgeden astam somany zańdastyrǵan.

Kórsetilgen faktiler Qazaqstan Respýblıkasy Qylmystyq Kodeksiniń 297-baby 4-tarmaǵy, 264-baby 2-tarmaǵy, 286-baby 4-tarmaǵy jáne 218 baby 3-tarmaǵy boıynsha  tirkeldi.

Ilmek sózder: Borat24 UQK esirtki

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir