Armıan saıasattanýshysy: Qarabaqtaǵy armıandar Reseıge ketedi

Qarabaqtaǵy armıandardyń maqsaty – Qarabaqqa qaıtý emes, shet el asyp ketý. Bul týraly  aze.az basylymy habarlady. 

Armıan saıasattanýshysy Stepan Danıelıan Facebook paraqshasynda kóptegen Qarabaq armıandarynyń Reseıge birjola kóship ketýge daıyn ekenin jazdy. О́ıtkeni Armenııada olar úshin ómir súrýge  jaǵdaı jasalmaǵan.

– Jeńilgen tarap oryndyqtaryn saqtaý týraly ǵana oılaıdy. Biz genofondty joǵaltamyz, aýmaqtardy joǵaltamyz. Munyń bárin qalaı sıpattaýǵa bolady? – dep jazdy Danıelıan.

Erevandaǵy narazylyq kezinde Qarabaq armıandarynan budan ári ne isteıtinderin suraǵan, olardyń kópshiligi "Armenııadan ketemiz" dep jaýap bergen.

Buǵan deıin Qarabaq qaqtyǵysynyń aıaqtalǵany týraly habarlanǵan. Armenııa premer-mınıstri Nıkol Pashınıan Ázerbaıjan prezıdenti Ilham Álıev jáne Reseı prezıdenti Vladımır Pýtın Taýly Qarabaqta áskerı áreketterdi toqtatý týraly kelisimge qol qoıdy. Osylaısha úsh eldiń arasynda bolǵan kelisim boıynsha 3 aýdan Ázerbaıjanǵa qaıtarylyp, basqynshy ásker aımaqtan shyǵarylady. Bul kelisimnen keıin Armenııa astanasy Erevanda premer-mınıstrge qarsy mıtıng ótip, halyq Pashınıannyń otstavkaǵa ketýin talap etken bolatyn.