Foto: Vıdeodan skrınshot
Áleýmettik jelilerde Taýly Qarabahtaǵy qaqtyǵysta jaralanǵan Ázerbaıjan sarbazy ota kezinde "Djan Karabah!" ánin shyrqap jatqan vıdeo tarady, dep habarlady Trend saıty.
Saıttyń málimetinshe, vıdeodaǵy sarbaz maıdanǵa óz erkimen attanǵan, halyq ánderin oryndaýshy, Ázerbaıjan memlekettik akademııalyq mýzykalyq teatrynyń solısi Mabýd Ahmedov. Ol sondaı-aq "Úchúmúz" ATV telejobasynyń bek-vokalısti.
Taýly Qarabaqtaǵy qaqtyǵys 27 qyrkúıekte bastalǵan bolatyn. Taraptar janjaldyń bastalý sebebin bir-birinen kóredi. Armıan jáne ázerbaıjan kúshteri arasyndaǵy urys birneshe frontta júrdi. Urysta drondar, artıllerııa, aýyr tehnıka men raketalyq keshender qoldanyldy. Eki jaqtan da beıbit turǵyndar opat bolǵan.
10 qazanda Armenııa men Ázerbaıjan gýmanıtarlyq maqsatta Taýly Qarabahtaǵy atysty toqtatýǵa kelisken. Alaıda taraptar áli de álsin-álsin qarýly kúsh qoldanýda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir