Oblys ákiminiń orynbasary Qaırat Bekenovtiń tóraǵalyǵymen ótken jıynǵa ekologııa departamentiniń, tabıǵı resýrstar jáne tabıǵatty paıdalanýdy retteý basqarmasynyń basshylary, jer qoınaýyn paıdalanýshylar qatysty.

qamshy.kz

"Bizdiń aldymyzdaǵy basty mindet - "Kókjıde" jerasty sýlarynyń biregeı kózin saqtap qalý. Osyǵan baılanysty osy ken ornynda jumys istep jatqan jer qoınaýyn paıdalanýshylardyń qyzmetine tekserý júrgizilip, zań buzýshylyqtar anyqtaldy. Saraptama, tolyq barlaý júrgizetin,  strategııalyq mańyzy bar ken ornynyń jaǵdaıyn zertteıtin vedomstvoaralyq jumys toby quryldy",- dep atap ótti Qaırat Bekenov.

qamshy.kz

 Tabıǵı resýrstar jáne tabıǵatty paıdalaný basqarmasynyń basshysy Jaqsyǵalı Imanqulov qazirgi tańda Kókjıdeniń qumdy alqabynda "SNPS-Aqtóbemunaıgaz" AQ, "KMK-Munaı" AQ jáne "Fırma Ada Oıl" JShS jumys istep jatqandaryn jetkizdi.

 

"Kókjıdeniń qumdy alqabyn saqtap qalý maqsatynda "Kókjıde-Qumjarǵan" qaýmaly qurylyp, Kókjıde ken orny qoryn qaıta baǵalaý jobasyn júzege asyrý bastaldy. Onyń mindetine qorlardy bekitý, ken ornynyń kontýryn anyqtaý jáne jer qoınaýyn paıdalanýshylardyń jerasty sýlaryna tehnogendik áserin baǵalaý kiredi",- dedi Jaqsyǵalı Imanqulov.

qamshy.kz

Byltyr "Kókjıde ken ornynyń jerasty sýlarynyń qorlaryn qaıta baǵalaý maqsatynda tolyq barlaý" jobasyn júzege asyrý bastaldy. 

 

Úsh jylǵa eseptelgen jobanyń qorytyndysy boıynsha Aqtóbe jáne Atyraý oblystarynyń halqyn sapaly aýyz sýmen qamtamasyz etý maqsatynda  jerasty sýlarynyń qorlaryn qaıta baǵalaý jáne bekitý júrgizilip, Kókjıde ken ornynyń jerasty sýlarynyń qorlaryn memlekettik balansqa qoıylady.

 

Atalmysh jumystardy júrgizý qazirgi jaǵdaı men búkil Kókjıde ken orny resýrstarynyń perspektıvasyn baǵalaýǵa, onyń gıdroekologııalyq jaǵdaıy týraly qorytyndy jasaýǵa múmkindik beredi.

 

Oblys ákiminiń orynbasary: "Biz munaı óndirýdi tómendetýge daıynbyz, ken ornyn saqtap qalýǵa basymdyq beriled. Kompanııalardyń únemdeý maqsatynda qoldanyp jatqan tehnologııalary ken ornyna keri áser etýi múmkin. Buǵan jol bere almaımyz. Zań buzýshylarǵa qatysty eń qatań sharalar qabyldanatyn bolady",- dep eskertti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir