Esmaǵambetova jańa qyzmetke taǵaıyndaldy

Aıjan Esmaǵambetova QR DSM Sanıtarlyq-epıdemıologııalyq baqylaý komıtetiniń tóraıymy bolyp taǵaıyndaldy. Bul týraly premer-mınıstrdiń resmı saıty málimdedi.

"QR densaýlyq saqtaý mınıstriniń buıryǵymen Aıjan Serikbaıqyzy Esmaǵambetova Qazaqstan Respýblıkasy Densaýlyq saqtaý mınıstrliginiń Sanıtarlyq-epıdemıologııalyq baqylaý komıtetiniń tóraıymy qyzmetine taǵaıyndaldy" delingen habarlamada.

Aıjan Esmaǵambetova 1972 jyly Almaty oblysynda dúnıege kelgen.

1997 jyly Almaty memlekettik medısına ýnıversıtetin gıgıenıst dáriger, epıdemıolog mamandyǵy boıynsha támamdaǵan.

Eńbek jolyn 1990 jyly Almaty qalasy №7 emhanasynda feldsher-zerthanashy bolyp bastaǵan.

1997-2004 jyldary Respýblıkalyq sanıtarlyq-epıdemıologııalyq stansııanyń asa qaýipti ınfeksııalar bóliminde dáriger-epıdemıolog, dáriger-bakterıolog, zerthana meńgerýshisi bolyp jumys istegen.

2004-2014 jyldary QR DSM Memlekettik sanıtarlyq-epıdemıologııalyq qadaǵalaý komıtetiniń qurylymynda jetekshi mamannan bastap tóraıymǵa deıin túrli laýazymdardy atqarǵan.

2014 jyly – QR Tutynýshylardyń quqyqtaryn qorǵaý agenttiginiń epıdemıologııalyq qadaǵalaý departamentiniń dırektory – bas memlekettik sanıtarlyq dárigerdiń orynbasary.

2014-2017 jyldary — QR UEM Tutynýshylardyń quqyqtaryn qorǵaý komıtetiniń epıdemıologııalyq qadaǵalaý basqarmasynyń basshysy. 

2017 jyly — QR DSM strategııalyq damý jáne qoǵamdyq densaýlyq saqtaý departamentiniń dırektory.

2017-2020 jyldary — QR qoǵamdyq densaýlyq saqtaý saıasaty departamentiniń dırektory.

2020 jylǵy 23 maýsymnan bastap qazirgi ýaqytqa deıin QR DSM Taýarlar men kórsetiletin qyzmetterdiń sapasy men qaýipsizdigin baqylaý komıteti tóraǵasynyń orynbasary qyzmetin atqardy.