09 Aqpan, 2024 Oqıǵalar
«Jastyqpen tunshyqtyrǵan». Túrkistanda óz balalaryn óltirgen áıel ustaldy
Ońtústiktiń polıseılerin aıaǵynan tik turǵyzǵan kúdikti ekinshi kún degende Shymkenttegi qonaq úılerdiń birinen ustaldy. Túrkistanǵa jetkizilgen onyń aqyl-esiniń durystyǵy tekserilip jatyr.
Ashyq derekózden alyndy
Aıta ketsek, 7 aqpanda Túrkistan qalasynda jantúrshilik qylmys boldy. Jaldamaly páterlerdiń birinen eki balanyń denesi tabylyp, polısııa kúdikti retinde búldirshinderdiń anasyn izdestirip jatqanyn habarlaǵan bolatyn.
KTK telearnasynyń habarlaýynsha, jantúrshigerlik oqıǵa bolǵan kúni 31 jastaǵy áıeldiń týǵan kúni bolypty.
«Qyzylorda oblysynyń týmasy Túrkistanǵa qydyryp kelgen eken. Kıeli shaharda páter jaldap turǵan. Shıeli aýdanyndaǵy Pýshkın atyndaǵy №46 mektep-lıseıde tárbıeshi bolyp jumys istep kelgen 31 jastaǵy áıeldiń Túrkistanǵa nege jáne kimge kelgeni, ázirge belgisiz. О́ziniń týǵan kúninde jaldamaly páterde 5 jáne 2 jastaǵy balalaryn jastyqpen tunshyqtyryp óltirgenin qurbysyna telefonmen aıtyp, ózi izin sýytqan», delingen habarlamada.
Jantúrshigerlik oqıǵa boıynsha qylmystyq is qozǵaldy.
«Adam óltirý faktisi boıynsha barlyq mán-jaılardy anyqtaý maqsatynda tergeý júrgizilýde. Tıisti saraptamalar taǵaıyndaldy, kúdikti áıel qamaýǵa alyndy. Istiń tergeý barysy meniń jeke baqylaýymda», deıdi Túrikstan oblystyq PD bastyǵy Murat Qabdenov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir