09 Qazan, 2020 NEWS

Shymkentte qatań karantın sharalary engiziledi

Foto: m.123ru.net

Shymkenttiń bas sanıtar dárigeri Ábdimanap Tólebaev karantın sharalaryna baılanysty jańa qaýlyǵa qol qoıdy. Qaýly Shymkent qalasy taýarlar men qyzmet kórsetý sapasy men qaýipsizdigin baqylaý departamentiniń saıtynda jarııalandy.

"Shymkent qalasynyń aýmaǵynda 2020 jyly 12 qazan saǵat 00:00-den bastap 2020 jyldyń 26 qazan saǵat 00:00-ge deıin karantın jáne shekteý sharalary uzartylsyn" delingen resmı saıt taratqan qaýlyda.

Atalǵan qaýlyda demalys jáne mereke kúnderi jabyq azyq-túlik jáne azyq-túlik emes bazarlardyń qyzmeti toqtatylyp, taýar satatyn bazarlar men jármeńkeler 6.00-den 18.00-ge deıin jumys isteıtin bolady.

Sonymen qatar, bir adamǵa kem degende 4 sharshy metr aýmaq jer bolýy shart, syıymdylyǵynyń tolý kórsetkishi 30 prosentten aspaýy kerek. Demalys jáne mereke kúnderi jabyq bazarlar jumysyna tyıym salyndy.

Jármeńkelerdiń jumysy kezinde sanıtarlyq-dezınfeksııalyq rejım qatań saqtalady. Dezınfeksııalyq tonnelder men sanıtaızerler ornatylatyn bolady. 

Sondaı-aq, qaýly da kınoteatrlardyń (ashyq alańda ornalasqan), sırk, saýda-oıyn-saýyq keshenderi men ortalyqtardyń, saýda úılerdiń ishindegi, balalardyń oıyn alańdarynyń, muz alańdarynyń, batýttar men fýdkorttardyń jumysyna tyıym salyndy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir