Foto: "Ne molchı" qoǵamdyq qory áleýmettik jelidegi paraqshasynan

Aqtóbede burynǵy áıeline qol jumsaǵan er adamǵa sot úkimi shyǵaryldy, dep habarlady Aqtóbe qalasynyń №2 sotynynyń baspasóz qyzmeti.

"Ne molchı" qoǵamdyq qory áleýmettik jelidegi paraqshasynda áıeliniń betin kesken Sáken Bekenovtyń 4 jylǵa sottalǵanyn jazdy.

"Aqtóbede sot Sáken Bekenovke úkim shyǵardy! Ol áıeliniń betin kesip tastaǵany úshin 4 jylǵa sottaldy!" delingen paraqshadaǵy jazbada. 

Aqtóbe qalasynyń №2 soty S .E. Bekenovke qatysty qylmystyq kodekstiń 106-baby 1-bóligi ("Densaýlyqqa qasaqana aýyr zııan keltirý") boıynsha qylmystyq isti qarady.

"Sotta 2020 jyldyń 14 naýryzynda Bekenov óziniń burynǵy áıeli jumys isteıtin kafede mas kúıinde oǵan qol jumsaǵany, beti men bileginiń birneshe jerinen keskilegeni aıtyldy. Bekenovtyń kinási jábirlenýshi men kýágerlerdiń aıǵaqtary, saraptama qorytyndylary arqyly dáleldendi.

Jábirlenýshi sottalýshyny keshirip, bas bostandyǵynan aıyrmaýdy surady. Alaıda sot áıelge qatysty jasalǵan qylmystyń qatygezdigin, sondaı-aq bul qylmystyń aýyr jaǵdaı – mas kúıinde jasalǵany aıtyldy" delingen habarlamada.

Osyǵan baılanysty sot Bekenov qoǵam úshin qaýipti jáne ony oqshaýlaý kerek degen qorytyndyǵa keldi. Sot úkimi zańdy kúshine engen joq.                

Ilmek sózder: Aqtóbe zorlyq-zombylyq

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir