06 Qazan, 2020 Áleýmet

Almatyda M.Tynyshbaev atyndaǵy akademııa jabylatyn boldy

Foto: ashyq derekkóz

Almatydaǵy M.Tynyshbaev atyndaǵy Qazaq kólik jáne kommýnıkasııa akademııasy jabylatyn boldy.

Bilim jáne ǵylym salasyndaǵy sapany qamtamasyz etý komıteti M.Tynyshpaev atyndaǵy Qazaq kólik jáne kommýnıkasııa akademııasyn bas lısenzııasynan aıyrý týraly sheshim qabyldady. Sheshim 10 jumys kúni ótkennen keıin zańdy kúshine enedi, al odan keıin joǵary oqý orny bilim berý salasyndaǵy qyzmetin toqtatýǵa mindetti bolady. 

Bilim jáne ǵylym mınıstrliginiń resmı málimetinde kórsetilgendeı, akademııada jyl boıy josparly jáne jospardan tys tekserýler júrgizilip, bilim berý salasyndaǵy óreskel buzýshylyqtar anyqtalǵan. Atap aıtqanda, oqý prosesi professorlyq-oqytýshylyq qurammen, óndiristik praktıka bazalarymen, oqý, oqý-ádistemelik jáne ǵylymı ádebıettermen qamtamasyz etilmegen. Bilim berý baǵdarlamalary jumys berýshilerdiń suranysyna tolyq sáıkes kelmedi, bul túlekterdiń jumysqa ornalasýyna da áser etti. 

Sondaı-aq, akademııanyń bilim berý baǵdarlamalarynyń shamamen 60%-y jumys berýshilerdiń talaptaryna sáıkes kelmeıtin kórinedi.

Bilim jáne ǵylym salasyndaǵy sapany qamtamasyz etý komıtetiniń tóraıymy Gúlzat Kóbenova akademııanyń jabylýyna qarsylyq tanytatyndardyń bary múmkin ekendigin jáne olar Komıtet sheshimine sot tártibi boıynsha shaǵymdanýǵa quqyly ekenin aıtady:  

Biz memleket basshysynyń sapaly bilim berýdi qamtamasyz etpeıtin joǵary oqý oryndaryn jabý boıynsha qoıǵan mindetterin iske asyrýǵa tıispiz. Bilim alýshylar sol qaladaǵy basqa joǵary oqý oryndaryna grantyn saqtaı otyryp, aýysa alady, sondaı-aq aqyly negizde oqyǵandar úshin de oqý quny artpaıdy. Aýysý úshin olarǵa semestrdiń aıaqtalýyn kútýdiń qajeti joq, biz qazirden bastap basqa JOO aýysýǵa ruqsat berdik... Professorlyq-oqytýshylyq quramdy jumysqa ornalastyrý boıynsha da jumys júrgiziletin bolady, – dep atap ótti .

Al Qazaqstan joǵary oqý oryndary qaýymdastyǵynyń prezıdenti Rahman Alshanovtyń aıtýynsha, oqý ornynyń tómen jaǵdaıǵa túsýine basshylyq kináli. Akademııaǵa qatysty kóptegen shaǵymdar túsipti:

– О́kinishtisi sol, qazirgi tańda bul bilim ordasynda bolashaq mamandardy tıisti deńgeıde daıarlaý boıynsha túıtkildi máseleler jeterlik. Mundaı jaǵdaı eldiń ekonomıkasy úshin strategııalyq mańyzdy salasyna maman daıyndaý barysynda oryn almaýy tıis. Bilim berý baǵyttary uqsas oqý oryndarynyń kúsh-jigerin biriktirý qajet shyǵar, – dedi.

Akademııadaǵy bakalavrıattyń 8 baǵyty, magıstratýranyń 6 baǵyty, doktorantýranyń 4 baǵyty boıynsha lısenzııalar Almaty qalasynyń basqa 30 joǵary oqý ornynda bar.

Qazirgi ýaqytta  M. Tynyshpaev atyndaǵy Qazaq kólik jáne kommýnıkasııa akademııasynda 5 myńnan astam adam oqıdy. Akademııada oqý quny – bilim berý baǵdarlamasyna baılanysty 427 myń teńgeden bastap 1,5 mln teńgege deıin.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir