Jýrnalıst Gúlmıra Abyqaı instagram paraqshasynda úsh balasyn urǵan er adamnyń tergeý ızolıatoryndaǵy vıdeosyn jarııalap, aıypker isine esh ókinbeıtinin aıtqanyn jetkizdi.
 
Jýrnalıstiń sózinshe, balalaryn aıaýsyz sabaǵan áke uryp-soǵýdy tárbıe quraly dep sanaıtyn kórinedi.
 
"BALA URǴYSh áke qamaldy. Zańdy nekedegi erli-zaıyptynyń ortaq 3 balasy bar. Kúıeýi ishimdikke úıir. Nekelesken 9 jylda áıel men balalardyń kórgen kúıi osy. #mańyzdysy áıel osyǵan deıin ózin kókala qoıdaı sabaǵan kúıeýine qatysty 2 ret aıtyp, 2 ret keshirim bergen. Al, búkil jurttyń jaǵasyn ustatqan keshegi oqıǵaǵa qyzýqandy áke ókinip turǵan joq, ol áıel bala-shaǵasynan keshirim de suramady. Bar aıtqany:
"Meni osylaı tárbıelegen. Men de óz balalarymdy uryp tárbıeleımin! Sharýalaryń bolmasyn, shesheń..." delingen jýrnalıst jazbasynda.
 
 
 
Túrkistan oblysy Qazyǵurt aýdany Qyzylqııa aýylynda bolǵan oqıǵa týraly alǵash jazǵan jýrnalıst Jazıra Begaly óziniń uldaryn aıaýsyz urǵanyn durys dep esepteıtin áke balalary men jubaıynan keshe keshirim de suramaǵanyn jazǵan.
 
Jýrnalıst otbasydaǵy zorly-zombylyqqa tózýge bolmaıtynyn aıtyp, Qazaqstanda bala quqyǵyn, áıeldi azaptan arashalaý óte qıyn sharýa ekenin jetkizdi.
 
"Taıaq jegen kelinshekke qaıyn jurty, týysqandary, aýyldastary jaǵynan qysym jasalatynyn bilemin" degen ol is "sotqa jetkenshe jáne sot bitkenshe, bir emes tórt qorǵansyzdyń taǵdyryna qatysty tergeý isin baqylaımyn. Balany urǵan adamnyń jazalanýyn talap etemin" dedi ol.
 
 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir