Kósherbaev prezıdentke búkilálemdik pandemııaǵa qaramastan uly Abaıdyń 175 jyldyǵy, Ál-Farabıdiń 1150 jyldyǵy, Altyn ordanyń (Ulyq Ulys) 750 jyldyǵy jáne TMD elderiniń bıylǵy mádenı astanasy Shymkent qalasynyń 2200 jyldyǵyna arnalǵan is-sharalardyń mazmundy túrde júzege asýy týraly aqparat berildi.
Kezdesýde prezıdent kelesi jyly ótetin Táýelsizdiktiń 30 jyldyǵyna daıyndyq máselesine erekshe kóńil bólý qajet ekenin atap ótti.
Memleket basshysy Saıası qýǵyn-súrgin qurbandaryn tolyq aqtaý jónindegi arnaıy memlekettik komıssııaǵa kezinde qazaq halqynyń basynan ótken asharshylyq qasireti týraly is-sharalar qabyldaýdy mindettedi.
Sonymen qatar Memlekettik hatshy qazaq tilin latyn álipbıine kóshirý jáne memlekettik tildiń fýnksıonaldyq mártebesin kóterý jónindegi usynys-pikirlerdi baıandady. "Rýhanı jańǵyrý" baǵdarlamasyn ultty jańǵyrtý baǵdarlamasy retinde jalǵastyrý qajettigi atap ótildi.
Prezıdent Memlekettik hatshyǵa 1 qyrkúıektegi Qazaqstan halqyna arnaǵan Joldaýynda aıtylǵan áleýmettik máselelerdi sheshýde ortalyq jáne jergilikti atqarýshy organdardyń jumysyn úılestirýdi baqylaýda ustaýdy tapsyrdy.
Pikir qaldyrý
pikir