16 Qyrkúıek, 2020 NEWS

Qazaqstanda 25 oqý orny lısenzııasynan aıyryldy

Foto: ashyq derekkóz

Bilim jáne ǵylym mınıstrligi 25 joǵary oqý ornynyń 60 lısenzııasyn qaıtaryp aldy. Bul týraly mınıstrliktiń resmı saıtynda jarııalandy.

Bilim jáne ǵylym salasyndaǵy sapany qamtamasyz etý komıteti 25 joǵary oqý ornynyń kadrlardy daıyndaý baǵyttary boıynsha  lısenzııalarǵa 60 qosymshasyn qaıtaryp aldy. Olardyń basym bóligi komıtettiń tekserisinen keıin qaıtaryldy.

Negizinen bul JOO-lar "Pedagogıkalyq ǵylymdar", "О́ner", "Gýmanıtarlyq ǵylymdar", "Jaratylystaný ǵylymdary", "Tehnıka ǵylymdary", "Qyzmet kórsetý" jáne "Áleýmettik jumys", "Áleýmettik ǵylymdar" baǵyttary boıynsha kadrlar daıarlaýdy júzege asyrǵan.

Júrgizilgen tekserý nátıjeleri boıynsha JOO-lar normatıvtik quqyqtyq aktilerdi saqtamaǵany anyqtaldy. Olqylyqtarǵa negizinen talapkerlerdi qabyldaý, professor-oqytýshylar quramynyń (POQ) biliktiligin arttyrý, professor-oqytýshylar quramyn konkýrs arqyly almastyrý, professor-oqytýshylar quramynyń oqý júktemesin josparlaý, bilim alýshylardy qorytyndy attestattaý, dıplom blankilerin esepke alý jáne t.b. boıynsha jol berilgen.

– Prezıdenttiń tapsyrmasy boıynsha jumysty eki baǵytta júrgizip jatyrmyz. Birinshiden, álsiz ýnıversıtetterdi tolyqtaı jabý, ekinshiden, bul jaǵdaıda ýnıversıtetterdi sapasy tómen, jabdyqtary jetispeıtin jáne t.b. mamandyqtary boıynsha lısenzııasynan aıyrý. Mysaly, bazasy joq jáne mamandy daıyndaý boıynsha talapqa saı sapany qamtamasyz ete almaıtyn pedagogıkalyq joǵary oqý orny ınjenerlerdi oqytyp shyǵarǵan kezde nemese tehnıkalyq ýnıversıtet mýzykanttardy daıyndaǵan jaǵdaıda. Iá, bul joǵary oqý oryndary úshin óte aýyr prosess, joǵary oqý oryndary qomaqty kirister men stýdentterdi joǵaltady, biraq biz úshin sapany qamtamasyz etý mańyzdy, dep túsindirdi Bilim jáne ǵylym vıse-mınıstri Mıras Dáýlenov.

Bıyl bilim berý qyzmetine qoıylatyn biliktilik talaptary kúsheıtildi, sondaı-aq Memlekettik jalpyǵa mindetti bilim berý standarty men Qyzmettiń úlgilik qaǵıdalary jańartylǵanyn esterińizge salamyz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir