15 Qyrkúıek, 2020 NEWS

«Shuǵyla» qorynyń shuǵylaly isi

Foto: Almaty oblysy aqparat ortalyǵy

Almaty oblysy Alakól aýdandyq ortalyq aýrýhanasyna "Shuǵyla" qaıyrymdylyq qory koronavırýsty emdeýge óte qajetti kıslorodty konsentrat quralyn tabystady.

«Qaıyrymdylyq – qaıyrly is» degen qazaqtyń ataly sóziniń astarynda úlken maǵyna jatyr. Sebebi júregi ulan-ǵaıyr dalasyndaı keń ultymyzdyń bul izgi minezine tamsanbaıtyndar kemde-kem.

Qazirgi pandemııanyń aýyr salmaǵyna da qaramastan elimizdiń talaı azamattary bir jeńnen qol, bir jaǵadan bas shyǵaryp, halyqtyń qamyna qaraı adymdaýǵa tyrysyp jatyr. Solardyń qatarynda «Shuǵyla» qaıyrymdylyq qory da bar. Shyny kerek, qazirgi mezette eshkimge de ońaı soǵyp otyrǵan oq. Alaıda barlyq qıynshylyqtarǵa toıtarys berýde eliniń janynan tabylýǵa umtylǵan qordyń saýapty isterine jur dán rıza.

Jýyrda ǵana aýdandyq ortalyq aýrýhanaǵa atalǵan qordyń atynan koronavırýsty emdeýge óte qajetti kıslorodty konsentrat quraly tabystalǵan bolatyn. Bul qanshama adamnyń ómirine degen úmit oty dep bilemiz.

Elimizdegi tótenshe jaǵdaıǵa baılanysty turǵyndardyń tabys kóziniń qysqarǵany ras. Osy oraıda az qamtylǵan, kópbalaly otbasylaryna túsken salmaqty jeńildetýge qala kásipkerleri de qomaqty úles qosyp keledi. «Jomart bergenin aıtpas, er aıtqanynan qaıtpas» degendeı, jurtqa jasaǵan jaqsylyǵyn jarııalaýmaýdy jón sanaıtyn abzal azamattar qanshama kómek jasady. Halyq qajettiligine oraı bul izgilikti shara áli de uıymdastyrylyp keledi. Ortalyq aýrýhana ujymynyń aq halattylary «Shuǵyla» qorynyń bul shýaqty isine alǵystaryn bildirip, qıyn da jaýapty iste qolǵabys etkenderi úshin rahmetterin jetkizedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir