Almaty ákimi Baqytjan Saǵyntaev bilim nysandarynyń qurylys barysymen tanysty

Jumys sapary barysynda qala ákimi paıdalanýǵa beriletin Áýezov aýdanynyń Mamyr yqshamaýdanyndaǵy 1200 oryndy jáne Túrksib aýdanyndaǵy Nurshashqan yqsh. 600 oryndy mektepterde boldy. Bulardan ózge, Baqytjan Saǵyntaev mektepter janynan salynǵan Bostandyq aýdanyndaǵy 300 oryndy, Alataý aýdanynyń Qarasý yqsh. 192 oryndy, Medeý aýdanynyń Dýman yqsh. 850 oryndy jańa qosalqy nysandardy aralap kórdi. Sonymen qatar, ákim №5 mýzyka mektebiniń 350 oryndy jańa ǵımaratynda jáne jaqyn kúnderi ashylǵan kópbeıindi mýzyka ortalyǵynda boldy.

Mektepterdi aralap shyqqan B. Saǵyntaev bilim oshaqtarynyń aınalasyn abattandyrýǵa, jasyldandyrýǵa, kireberis joldar men trotýarlardy salýǵa jáne jóndeýge qatysty birqatar tapsyrmalar berdi. Aıta keterligi, qala ákimi oqý oryndary dırektorlarynyń nazaryn kezekshi synyptarda sanıtarlyq-epıdemıologııalyq erejelerdi qatań saqtaý qajettigine aýdardy.

«Jańa jalǵaı mekteptegi oqýshylar tyǵyzdyǵyn azaıtýǵa múmkindik beredi. Mysaly, Dýmandaǵy mektepterde oqýshylardyń oryn tapshylyǵy máselesi sheshimin tapty. Al Nurshashqandaǵy bul qurylys Túrksib aýdanynyń basqa mektepterine túsetin júktemeni azaıtýǵa múmkindik beretin alǵashqy salynǵan nysan», — dep atap ótti B. Saǵyntaev.

Jalpy, aǵymdaǵy jyly eki mektep pen bes qosalqy nysandardyń paıdalanýǵa berilýi arqasynda 3, 8 myńnan astam oqýshy orny quryldy. Qala turǵyndarynyń qarqyndy ósýin eskere otyryp, mektepterdiń janynan 1925 oryndy jańa qosalqy nysandar salý jalǵasatyn bolady. Sonymen qatar, 26 myń orynǵa jýyq mektepter men qosalqy nysandar salý josparlanǵan. 2240 oryndy tórt jeke mektep ashý josparlanǵan.