12 Tamyz, 2020 NEWS

B. Saǵyntaev jumyssyz jastardy jumysqa ornalastyrý týraly aıtty

almaty_akimat

Almaty qalasynyń ákimi Baqytjan Saǵyntaev «Almaty» TA-nyń Akimat Live baǵdarlamasynda ótken tikeleı efır barysynda qala turǵyndarynyń suraqtaryna jaýap bere kelip, orta jáne joǵary oqý oryndary túlekteriniń jumysqa ornalasý máselesin sheshý týraly áńgimeledi.

Jastar arasyndaǵy jumyssyzdyqtyń basty sebebi – olardyń alǵan bilimderiniń búgingi naryq talaptaryna saı kelmeıtindigi. Bul másele júıeli ózgeristi qajet etedi.

Osyǵan oraı, ótken jyly 9-11 synyp oqýshylaryna jumysshy mamandyqtaryn beretin orta arnaıy bilim salasyna saraptama júrgizildi.

Qalada barlyǵy 80 kolledj bar, bıylǵy jylǵy túlekter sany shamamen 16 myń adamdy quraıdy, olardyń ishinde 15 744 adam nemese 98,4%-i jumysqa turdy. Bıylǵy jańa oqý jylynda qala kolledjderdegi 11 219 orynǵa memlekettik tapsyrys berdi.

«Munda qalany damytý baǵdarlamasyn, onyń ishinde Almatynyń 2050 jylǵa deıingi damý Strategııasyn eskere otyryp, mamandyqtar tizimi qaıta qaraldy. Nátıjesinde aǵymdaǵy jyldyń tiziminde Aqparattyq tehnologııa, servısti ekonomıka, qurylys salalaryna erekshe nazar aýdaryldy», — dedi B. Saǵyntaev.

Ekonomıkalyq salalar aıasynda memlekettik bilim berý tapsyrysynyń qurylymy: IT-sala, baılanys, telekommýnıkasııa – 2308 (20,6%); qyzmet kórsetý, ekonomıka – 2289 (20,4%); kólik – 1800 (16%); energetıka, mashına jasaý – 1180 (10,5%); qurylys – 1021 (9,1%); tamaq ónerkásibi – 850 (7,6%); bilim – 775 (6,5%); medısına – 391 (3,5%); sıfrly polıgarfııa – 350 (3,1%); týrızm – 200 (1,8%); aýyl sharýashylyǵy (veterınarlyq medısına, landshaft dızaıny) – 100 (0,9%).

«Jumysshy mamandyǵyn nasıhattaý jáne NEET sanatyndaǵy jastardy qalanyń ekonomıkalyq ómirine keńinen tartý úshin byltyr biz adamdar kóp jınalatyn oryndarda "Mobıldi qabyldaý komıssııalaryn" qurdyq. Mundaı komıssııalar 5 bazardyń, temirjol vokzalynyń, 4 meshittiń aýmaǵyna ornatyldy. Qalanyń shamamen 6 myńǵa jýyq jas turǵyny bulardan ózderine qajetti keńesterdi aldy. Kolledjderge NEET sanatyndaǵy 500 adam qabyldandy. Aǵymdaǵy jyly koronavırýs indetine qatysty MQK-nyń jumystary ýaqytsha toqtatyldy», — dep habarlady Almaty ákimi.

Bulardan ózge, dýaldy bilim berý boıynsha jumystar júrýde. Aǵymdaǵy jyly dýaldi bilim berý aıasynda 308 kásiporynmen úshjaqty 3500 kelisimge qol qoıyldy.

Búgingi tańda qala kolledjderiniń búkil oqý prosesi birtindep osy júıege kóshýde, onyń negizgi maqsaty – jumys berýshilerdiń talaptary boıynsha praktıkalyq baǵytta bilim berý jáne keıin túlekterdi jumysqa ornalastyrý. Bul bolashaqta orta arnaıy bilim beretin oqý oryndarynyń túlekterin jumysqa ornalastyrýǵa oń yqpal etetin bolady.

JOO-nyń túlekterine keletin bolsaq, búgingi tańda jumys tájirıbesi joq jas mamandarǵa Eńbek» baǵdarlamasy boıynsha aqyly jastar praktıkasy usynylady.

Jastar praktıkasyna oqý bitirgen soń úsh jyl qatarynan jumyssyz júrgen 29 jasqa deıingi jastar jiberiledi. Jastar tájirıbesiniń uzaqtyǵy – 6 aı. Eńbekke aqy tóleý 69 450 tg quraıdy (salyqtar, mindetti áleýmettik tólemder, paıdalanylmaǵan eńbek demalysy men bank qyzmetterin qosa eseptegen tólemder), ony aı saıyn Jumyspen qamtý ortalyǵy júzege asyrady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir