«Almaty jastary 3.0» baǵdarlamasyna qatysý úshin úmitkerlerdi irikteý jalǵasýda

526 ótinish berýshi ózderiniń tólem qabilettiligin rastaý úshin «Turǵyn úı qurylys jınaq bankinen» joldama alatyn bolady. Taǵy 457 adam rezervke engizildi.

Bul týraly Almaty qalasynyń ákimi Baqytjan Saǵyntaev Twitter-degi óziniń paraqshasynda habarlady.

«Almaty jastary 3.0». Jyl basynan beri tólem qabilettiligin rastaý úshin 1035 adam joldama aldy. Tirkeý talaby joıylǵannan keıin taǵy 526 joldama alady, al 457-si rezervke endi. Jumys isteıtin jastarǵa 5 paıyzdyq nesıeniń berilýi – baspanaly bolýdyń eń tıimdi múmkindigi», — dep jazdy qala ákimi.

Birinshi kezeń barysynda 3220 ótinish tústi, onyń ishinde 1035 adamǵa joldama berildi. Jumys jasaıtyn jastardy turǵyn úımen qamtamasyz etý jónindegi qalalyq baǵdarlamanyń sharttaryna ózgerister enzigilgen soń 5471 ótinish tústi. Baǵdarlama talaptaryna saı bolmaǵandyqtan 2527 ótinish qabyldanbady, al bilim salasynyń qyzmetkerleri bergen 1964 ótinish qaralý ústinde.

Baǵdarlama talaptaryna 980 adamnyń ótinishteri saı keledi, olar densaýlyq salasynda jumys jasaıtyn — 587; mádenıet salasyndaǵy — 112; sport salasyndaǵy — 23; JOO men ǴZI oqytýshylyq pen ǵylymı qyzmetpen aınalysatyn — 170; BAQ salasyndaǵy — 56; áleýmettik saladaǵy 32 adam.

Qabyldanbaǵan ótinishterdiń basym bóligi jumys oryndary nemese qyzmetteriniń baǵdarlama talaptaryna saı kelmeýi saldarynan keri qaıtaryldy. Iаǵnı, 36 ótinish berýshiniń jeke baspanasy bar ekeni, 46 adamnyń óz baspanasynan bas tartqany anyqtaldy, 152 adamda zeınetkerlik tólem bolmaǵan, 77 adamnyń ótinishteri joǵaryda atalǵan sebepterge qatysty keri qaıtarylǵan, al 23 adam alǵashqy qabyldaý kezindegi nesıelik ótinishterin usynǵan.

Eske salsaq, qala ákimi Baqytjan Saǵyntaevtyń sheshimi boıynsha baǵdarlamaǵa qatysýshy men onyń otbasy músheliriniń Almatyda turaqty tirkeýde bolýy talaby alynyp tastalǵan edi. Osyǵan oraı, aǵymdaǵy jyldyń 22 maýsymynan 6 shilde aralyǵynda ótinishterdi qabyldaý qaıta júrgizilgen bolatyn.

О́tinishter men qujattardy qabyldaý tolyqtaı avtomattandyrylǵan. О́tinishterdi qabyldaý elektrondyq qoltańba arqyly almaty-zhastary.kz saıtynda iske asady. Jınaqtalǵan balldardy avtomatty túrde esepteý úshin elektrondy kalkýlıator engizilgen. Budan ózge, saıttaǵy jeke kabınet arqyly berilgen ótinishtiń deńgeıin jeke kórýge de bolady. Turǵyn zaemdarynyń ashyq ári adal bólinýin qamtamasyz etý úshin baǵdarlamaǵa qatysýshylardyń tolyq tizimi saıtta jarııalanǵan.

13 mıllıonǵa deıingi jeńildetilgen ıpotekalyq zaem jyldyq 5% mólsherlememen «Turǵynúıqurylysjınaq banki» arqyly beriledi. О́zderiniń tólem qabilettilikterin oıdaǵydaı rastaǵan baǵdarlamaǵa qatysýshylar 60 kún ishinde birinshi jáne ekinshi naryqta turǵyn úıdi jeke ózderi tańdaı alady.