Bilim jáne ǵylym mınıstri Ashat Aımaǵambetov orynbasarynyń ustalǵany týraly aqparatqa pikir bildirdi. Bul týraly mınıstr ortalyq kommýnıkasııalar qyzmetininiń onlaın brıfınginde habarlady.

Brıfıngte suraq qoıǵan jýrnalıstiń aıtýynsha, BAQ-ta 21 shildede antıkorrýpsııa qyzmeti bilim jáne ǵylym mınıstrliginiń joǵary laýazymdy tulǵalaryna qatysty tergeý bastalǵanyn, mınıstr orynbasary Rústem Bıǵarıdiń bıýdjetten bes mıllıard teńge jymqyrǵany jaıly aqparat taraǵan.

– Bul týraly aqparatty memlekettik organnyń ózinen bile alasyz. Osy ýaqytqa deıin bizge resmı túrde habarlandyrý kelmedi. Buǵan baılanysty memlekettik organdardyń ózi jaýap berse, durys bolar edi, – dedi mınıstr onlaın brıfıngte.

"Sizdiń orynbasaryńyz Rústem Bıǵarı qaıda?" degen jýrnalıstiń suraǵyna:

– Meniń barlyq orynbasarlarym jumysta. Rústem Bıǵarı bul aqparatty estimedi, ol jumys istep júr. Jalpy kinásizdik prezýmpsııasy bar dep aıtqym keledi. Artyq boljamdar aıta almaımyz. Ras málimet shyqqanda, ol týraly aıtatyn bolamyz. Qazirgi tańda barlyq áriptesterim jumysta. Meniń orynbasaryma qatysty suraqtar jaıynda resmı málimet almadyq, – dep jaýap berdi mınıstr. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir