21 Tamyz, 2020 NEWS

"Aıaýsyz jazalanady". Aımaǵambetov muǵalimderdiń quqyǵyn buzǵandarǵa eskertý jasady

Foto: liter.kz

Bilim jáne ǵylym mınıstri Ashat Aımaǵambetov muǵalimderdiń quqyǵyn buzǵandar "aıaýsyz jazalanatynyn" aıtty. Bul týraly mınıstr respýblıkalyq tamyz keńesiniń plenarlyq otyrysynda málimdedi.

– Muǵalim kúndelikti eki qujatty ǵana toltyrýy kerek. Áriptesterimiz basqa qujattardan bosatyldy. Osy buıryqty buzǵany úshin ákimshilik jaýapkershilik qarastyrylǵan. Kolledj, ýnıversıtet, balabaqshalarda da esep-qısap kúrt tómendeıdi. Ondaǵan buıryq alyndy, bul jumysty ári qaraı jalǵastyramyz, – dedi mınıstr.

Mınıstr muǵalimderdiń qaǵazbastylyqtan bosatylǵanyn aıta kelip, erejeni buzǵandar "aıaýsyz jazalanady" dep eskertti.

– Az ýaqyt ishinde 30 shaqty basshy ákimshilik jáne tártiptik jaýapqa tartyldy. Muǵalimderdiń quqyǵyn buzǵan ata-analar, basqa da tulǵalar jaýapqa tartylady. Árıne, bul jetkiliksiz. Bul jumys áli de jalǵasyn tabady, – dep sózin túıindedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir