«Nur Otan» kópbalaly otbasylarǵa árdaıym qoldaý kórsetedi – Baıbek

«Nur Otan» Tóraǵasynyń birinshi orynbasary Baýyrjan Baıbek Respýblıkalyq qoǵamdyq qabyldaý bólmesinde azamattardy onlaın-qabyldaý ótkizdi, sondaı-aq ol balalardyń quqyǵy men áıelderdi turmystyq zorlyq-zombylyqtan qorǵaý másel eleri boıynsha partııanyń «111 jedel qyzmet» arnaıy baılanys ortalyǵyn iske qosýǵa daıyndyǵyn tekserdi.

Onlaın-kezdesý barysynda Almaty oblysynyń turǵyny Muratbek Ájibekov ótken jyldyń kókteminde bógettiń tozýynan Pendjim jáne Abat aýyldaryndaǵy 276 úıdi sý basyp, aýyl turǵyndaryna aıtarlyqtaı zııan keltirilgenin aıtty. Usynylǵan aqparat boıynsha, bógetti jóndeýge 260 mln.teńge somasyna smetalyq qujat ázirlenip, biraq qarjylandyrý máselesi áli kúnge sheshilmegen.

«Memleket basshysy Qasym-Jomart Toqaev aıtqandaı, asa mańyzdy emes shyǵystardy qysqartý kerek, biraq azamattardyń qaýipsizdik máselesi birinshi orynda. Taıaýda ótetin máslıhattyń otyrysynda qarjylandyrý máselesi qaralýǵa tıis. Máseleni partııalyq baqylaýda ustaımyz. Siz partııa qurylǵan kúnnen bastap onyń múshesisiz jáne týǵan ólkeni damytýǵa qatysty barlyq máseleni qalt jibermeı qadaǵalap otyrasyz. О́zińiz sııaqty belsendi azamattar partııa alańynda túıitkildi jaıttardy ashyq kóterse, árbir másele sheshimin tabady dep oılaımyn. Eldiń bolashaǵyna beı-jaı qaramaıtyn árbir azamatqa aıtarym, ıgi oılaryńyzdy iske asyrýǵa arqasúıerińiz bolmasa, praımerızge qatysyńyz. Ashyq irikteý bolady. Tek osylaı ǵana biz jergilikti jerdegi adamdardyń ómirin jaqsartamyz», - dep atap ótti Baýyrjan Baıbek.

Qabyldaýǵa kelgen Pavlodar oblysynyń turǵyny Venera Kakanova bıznesin damytý úshin grant alý máselesin alǵa tartty.

«Tórt balam bar. Kúıeýimen ajyrasyp kettim. О́zim jaldamaly páterde turamyn. Úıde tapsyrys boıynsha kondıterlik ónimder pisirýmen aınalystym. Qazir jabdyq jaramsyz bolyp qaldy, jańasyn satyp alý kerek. Men «Eńbek» memlekettik baǵdarlamasy aıasynda bıznesimdi damytýǵa óteýsiz grant alýǵa qujattar tapsyrdym. Maǵan osy grantty alýǵa kómektesýlerińizdi suraımyn», - dedi Venera Kakanova.

О́z kezeginde Baýyrjan Baıbek kópbalaly ana bolý úlken jaýapkershilik ekenin jáne memleket óz tarapynan jan-jaqty qoldaý kórsetý úshin jaǵdaı jasaýǵa kómektesýi tıis ekenin atap ótti.

«Keshe ǵana partııa Lıderi Nursultan Nazarbaev óziniń úndeýinde bizdiń ortaq mindetimiz – jumys oryndaryn ashý, shaǵyn jáne orta bıznesti jandandyrý ekenin aıtty. Tek óz kúshine senetin qaısar jan ekenińizdi baıqap otyrmyn. Jaqyn arada komıssııa otyrysy ótetini, qarajat qarastyrylatyny týraly aqparat aldym. Sondyqtan sizdiń máseleńiz sheshiledi. Munda nazar aýdaratyn taǵy bir mańyzdy jaǵdaı bar. Biz ekonomıka salasyndaǵy áıelderdiń belsendiligin jan-jaqty damytýǵa jáne qoldaýǵa tıispiz. Búginde áıelder qaýymy el halqynyń jartysynan astamyn quraıdy. Qazir partııada praımerız bastaldy.

Bul – jańa áleýmettik lıft. Elbasynyń tapsyrmasy boıynsha partııalyq tizimde áıelder keminde 30% - y quraýy tıis. Olar ári qaraı depýtat retinde áıelder kásipkerligin damytýǵa da kómektesetin bolady», - dedi ol.

Azamattardy qabyldaý barysynda «Nur Otan» partııasy Tóraǵasynyń birinshi orynbasary Aqtóbe oblysynyń 24 jastaǵy turǵyny Aıbek Qosmaǵambetovtyń de ótinishin tyńdap, aldaǵy máslıhat sessııasynda Qobda aýdanynyń Taldysaı aýylyndaǵy joldardy jóndeýge qarajat bólý máselesin qaraýdy tapsyrdy.

«Nur Otan» elorda turǵyny Marına Bataevaǵa da kómektesetin boldy. Ol balalaryna oqýǵa qajetti qural-jabdyqtar alyp, mektepke daıyndaýǵa kómektesýdi surap keldi.

«5 bala ósirip otyrmyz, olardyń úsheýi mektep jasynda. Baspanany jaldap turamyz. Koronavırýs pandemııasyna baılanysty turaqty tabysymyzdan aıryldyq jáne balalardy oqý jylyna daıyndaýda qıyndyqtar týyndap tur», - dedi ol.

Baýyrjan Baıbek «Nur Otan» kópbalaly otbasylarǵa árdaıym qoldaý kórsetetinin atap ótti.

«Bizdiń saıası platformamyzǵa sáıkes, otbasy – qoǵamymyzdyń qundylyqtaryn saqtaýdyń mańyzdy ınstıtýty. Otbasynda urpaqtar sabaqtastyǵy, ózara qoldaý, eńbeksúıgishtik jáne bilimge umtylý dástúrleri qalyptasady. Bárimiz bir eldiń azamatymyz. Bizdi memleket qorǵaıdy, biraq bir-birimizge de kómektesip, qamqor bolýymyz kerek. Siz partııaǵa sengendikten de, kómek surap kelip otyrsyz. «Mektepke jol» aksııasy aıasynda tek oqý quraldaryn ǵana emes, qashyqtan oqytýǵa qajetti barlyq jabdyqtardy alýǵa da kómektesemiz», - dedi «Nur Otan» partııasy Tóraǵasynyń birinshi orynbasary.

Osy kúni Baýyrjan Baıbek partııanyń Respýblıkalyq qoǵamdyq qabyldaý bólmesindegi «111 jedel qyzmet» arnaıy baılanys ortalyǵyn iske qosýǵa daıyndyǵyn tekserdi.
Qyrkúıek aıynan bastap munda balalardyń quqyn buzý jáne turmystyq zorlyq-zombylyq máseleleri boıynsha habarlasýǵa bolady. Barlyq telefon qońyraýlary qatań qupııa saqtalady.
Partııanyń baspasóz qyzmetiniń málimetinshe, 7 aıda qoǵamdyq qabyldaý bólmelerine 270 myń adam júgingen. О́tinishterdiń jartysynan kóbi sheshildi. «Nur Otan»-ǵa kelip túsken onlaın-ótinishter 5 esege artty.