ShQO óńirlik kommýnıkasııalar qyzmetinde ótken brıfıng barysynda áleýmettik medısınalyq saqtandyrý qorynyń ShQO boıynsha fılıalynyń dırektory Ǵalymjan Ábilov túrli medısınalyq uıymdardyń medısına qyzmetkerlerine qosymsha aqy tóleý júıesin túsindirdi.

-         Densaýlyq saqtaý basqarmasynyń buıryǵyna sáıkes medısınalyq uıymdar koronavırýspen kúresýge atsalysty. Bas dárigerler «qyzyl aımaqta jumys isteıtin medısına qyzmetkerleriniń tizimin buıryqpen bekitti. Al jaýapty sala mamandary jumys kestesin qurdy. Aı bitken soń buıryqqa baılanysty tizimdegi jumysshylardyń tabeli men jumys kestesi ShQO komıssııasyna qaralýǵa beriledi. Komıssııa músheleri qosymsha aqy tóleý máselesin qarastyrady, - dedi Ǵalymjan Ábilov.

Ǵalymjan Ábilovtyń aıtýynsha, oblys ákimi orynbasarynyń tóraǵalyǵymen ótetin aımaqtyq komıssııa otyrysyna densaýlyq saqtaý basqarmasynyń ókilderi, taýarlar men kórsetiletin qyzmetter sapasyn baqylaý departamentiniń jáne ókimettik emes uıymdar men kásipodaqtar kiredi. 

Jumys merzimi aıaqtalǵan soń barlyq tizim komıssııa qolyna tabystalady. Keıin komıssııa músheleri hattama toltyryp, qyzmetkerlerdiń jumys ýaqyty men qaýip tobynda qansha saǵat istegenin saralap,  qorǵa tizimdi beredi. Onda eńbekaqyǵa qosymsha aqy tóleý bastalady.

-         Búgingi kúni qosymsha aqy alýǵa ótinish bergen 7606 qyzmetkerdiń bárine jalpy somasy 1,8 mlrd.teńge tólendi. Qosymsha aqyǵa baılanysty týyndaǵan suraqtar boıynsha emhana ákimshiligine nemese kásipodaq uıymdaryna, sondaı-aq qosymsha aqy tóleýge qatysty óńirlik komıssııa músheleriniń kómegine júginý kerek, - dedi Ǵalymjan Ábilov.

"Qamshy" silteıdi
Ilmek sózder: dárigerler ShQO

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir