12 Tamyz, 2020 NEWS

Sot belsendi Ásııa Tólesovanyń bas bostandyǵyn bir jarym jylǵa shektedi

Foto: azattyq.org

12 tamyz kúni qoǵam belsendisi Ásııa Tólesovaǵa qatysty úkim shyqty. Sot belsendini kináli dep tanyp, onyń bas bostandyǵyn bir jyl alty aıǵa shektedi, dep jazdy Azattyq Radıosy.

Almaty qalasy Medeý aýdandyq soty "Bılik ókilin qorlady" jáne "Bılik ókiline kúsh qoldandy" dep aıyptalǵan azamattyq belsendi Ásııa Tólesovaǵa úkim oqydySot eki bap boıynsha da Tólesovany kináli dep tanyp, onyń bas bostandyǵyn bir jyl alty aıǵa shektedi. Buǵan qosa, sot shyǵynyn ótep, jábirlenýshiler qoryna shamamen 41 myń teńge tóleýdi mindettedi. Sýdıa Shákirov Tólesovany sot zalynan bosatýdy buıyrdy.

Qorǵaý taraby úkimmen kelispeıtinin, ony apellıasııaǵa beretinin aıtty.

– Sot úkimimen kelispeımin. Ony apellıasııaǵa beremiz. Qalaı bolǵanda da Tólesovany aqtaýǵa kúsh salamyz, – dedi advokat Djohar О́tebekov.

Sársenbi kúni aýdandyq sotta úkim oqylyp jatqan kezde sot ǵımaratynyń syrtynda belsendini qoldaǵan jastar jınalyp turdy. Sot úkimi oqylǵannan keıin olar "Sýdıa masqara!" dep aıqaılady.

Sottan keıin Ásııa Tólesovanyń jaqyndary, jaqtastary jáne aqparat quraldary belsendini qarsy alý úshin tergeý ızolıatoryna ketti.

11 tamyz kúni ótken jaryssóz kezinde prokýror Tólesovanyń "qoǵamǵa qaýipti qylmystyq áreket jasaǵanyn" aıtyp, onyń bas bostandyǵyn bir jylǵa aıyrýdy jáne aıyppul tóletýdi suraǵan edi. Al qorǵaý taraby belsendiniń "kinásin dáleldeıtin" aıǵaq retinde kórsetilgen vıdeonyń jaramsyz ekenin aıtyp, ony aqtaýdy suraǵan.

Azamattyq belsendi Ásııa Tólesova Almatyda narazylar ustalǵan kúni – 6 maýsymdaǵy mıtıngiden keıin tutqyndalǵan. Ony narazylyq kezinde "polısııa qyzmetkerine kúsh qoldandy" jáne "qorlady" dep aıyptaǵan. Al belsendiniń ózi áleýmettik jelide mıtıng kezindegi zańsyzdyqtardy kórip turyp shydamaı, "emosııaǵa berilip, jaýap qaıyrdym" dep túsindirgen. Aldyn ala tyńdaý kezinde belsendiniń advokattary Tólesovanyń qoly polısııa qyzmetkeriniń basyna emes, fýrajkasyna tıgenin, olar fızıkalyq soqqy almaǵanyn aıtqan edi.

Vlast saıtynyń jazýynsha, osyǵan deıingi ótken otyrystarda jábirlenýshilerdiń tergeý organdary men sotqa bergen jaýabynda qarama-qaıshylyq bar ekeni de anyqtalǵan. Keıinirek tergeýshi aıyptaý aktisinde "tehnıkalyq qatelik" ketkenin moıyndaǵan.

Ásııa Tólesova 10 maýsymnan beri qamaýda bolǵan.

Buǵan deıin belgili halyqaralyq quqyq qorǵaý uıymdary Qazaqstan bıligin Ásııa Tólesovany bosatýǵa shaqyryp, belsendiniń negizsiz ustalǵanyn málimdegen.​

Ilmek sózder: ásııa tólesova

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir