27 Shilde, 2020 NEWS

«JAÝYZDY JAZASYZ QALDYRMAÝǴA SERT BERGEM» DEIDI 13-QABATTAN SEKIRGEN POLISIIа MAIORY

almaty-akshamy.kz

Almaty qalasy Polısııa departamenti Túrksib aýdandyq polısııa basqarmasynyń jedel ýákili polısııa maıory Baqytjan Bákirovtiń qylmyskerdiń artynan 13-shi qabattan sekirip ketip, aman qalýy búgingi kúnniń eń qaýipti oqıǵasy. Bul týraly Almaty-aqshamy jazdy.

11 shilde kúni belgisiz adamnyń Túrksib aýdanyna qarasty aýmaqta úı tonap, úı ıesiniń 17 000 AQSh dollaryn qoldy etkeni azdaı, sol úıdiń 15 jastaǵy qyz balasyn zorlap ketkeni týraly habardyń izine túsken Almaty qalasynyń jedel ýákilderi kúdiktiniń ál-Farabı dańǵylyndaǵy kópqabatty úıden páter jaldap, tyǵylyp jatqanyn anyqtaıdy. Olarǵa 13-qabattaǵy páterge santehnık keıpinde kirýlerine aldymen páterdiń ıesi kómektesken. Ol ózindegi artyq kiltpen esikti ashyp, kúdiktige «qubyrdan sý aǵyp jatqanyn, sol úshin santehnık kelgenin» aıtyp, ishke engen. Kúdikti Baqytjan Bákirov pen Meıir Nesipbaıdy kórip, óziniń qolǵa túsetinin sezingen sátte kelesi bólmeniń terezesinen sekirip ketken. Sanasynda tek qylmyskerdi qaıtkende de ustaý kerek degen oı atoı salǵan Baqytjan da onyń sońyn ala sekirgen. Biraq «qyryq jyl qyrǵyn bolsa da ajaldy ǵana óledi» degendeı, qashqan er adam da, jedel ýákil Baqytjan da astyńǵy 11-qabattyń terrasasyna túsken.

«Bári qas-qaǵym sátte boldy. Endi qolǵa túseıin dep turǵan qylmysker terezeden sekirip ketkende, mende tek «ony qutqarmaý kerek» degen oı boldy. Sol oımen onyń artynan qalaı sekirip ketkenimdi bilmeımin. Taǵy eki qabat tómen páterdiń terrasasyna ekeýmiz qabattasa quladyq. Ol kelesi terrassaǵa sekirmek bolǵanda, men jerge uryp qulattym da, artymnan kómek jetkenshe ustap otyrdym». Baqytjannyń áńgimesi keıipkerleri birin biri qýyp, shatyrdan shatyrǵa sekiretin keıipkerleri bar boevık kınony elestetedi kóz aldyńyzǵa. Ásirese, 13- qabattyń terezesinen sekirýge batyldyq tanytý ajaldyń aýzyna sekirýmen birdeı ekenin oılaǵanda et pen teriniń arasynan qumyrsqa júrip ótkendeı titirkenesiz. 13-shi qabattan jerge emes, tómengi qabattyń terrasasyna túsýge bolatynyn qylmysker bilgenmen, Baqytjan bilmegen.

«Tek qashqyndy qolǵa túsirip, ustap otyrǵanda ǵana kóz aldyma áli býyndary qatpaǵan alty balam elestedi. Qudaı saqtady… eger men mert bolsam olardyń bolashaǵy ne bolar edi? Eki aı buryn ǵana dúnıe esigin ashqan egiz balam ne bolar edi?» degen oılar mıymdy jaýlap aldy. Al sekirer kezde bar maqsatym – qylmyskerden aıyrylyp qalmaý boldy. О́ıtkeni, onyń búldirshin qyzǵa jasaǵan zorlyǵyn estigende, jaýyzdy jazasyz qaldyrmaýǵa sert bergem». Kózsiz erlikke barǵan Baqytjan ókshe súıekteriniń synǵanyn da et qyzýymen elemegen. Qazir onyń aıaǵyna úsh ret aýyr ota jasaldy.

Jedel ýákilderdiń ómiri qaýip pen qaterdiń ótinde. Alyp qala Almatydaǵy nebir qylmystyq oqıǵalardyń ortasynda júretin jedel ýákilder sát saıyn ajalmen betpe-bet keledi. Qarýly qylmyskerdi ustaý, qashqynnyń sońynan qýý, kúdiktiniń jasyrynǵan jerin dóp basý olardyń kúndelikti isi. Bul oqıǵa Baqytjannyń búginge deıingi ómirindegi eń qaýipti oqıǵa shyǵar. Osynyń bárin oı eleginen ótkizip turyp, onyń osy bir qaýipti qyzmetke qalaı kelgenin qaıta-qaıta suraǵyshtap áreń bildik. Sózge kelgende sý jorǵadaı taıpala almaıtyny Baqytjannyń bar bolmysynan bilinip tur. Sonda da bolsa biraz syrdy sýyrtpaqtadyq.

Ońtústik Qazaqstan oblysynyń Jetisaı qalasynda týyp-ósken Baqytjan bir úıdiń tuńǵyshy eken. Ákesi Ánýar uzaq jyl Shymkenttegi maqta zavodynda istedi. «Bizdiń tárbıemizben negizinen anamyz aınalysty. Ońtústikte bilesiz ǵoı, es bilgen bala qarap júrmeıdi. Maqta terimi, baý-baqsha kútimine bala kezden aralasamyz. Sondyqtan shyǵar, eńbektiń qadirin bilip óstik. Abaı atyndaǵy Ulttyq ýnıversıtettiń zań fakýltetin bitirgen soń, mamandyǵym boıynsha jumysqa ornalasa almaı biraz júrdim. Biraq qarap júrgenim joq. Qolymnan qandaı jumys keledi, bárin istedim. Qurylysta da istedim. 2006 jyly Almaty qalasy Polısııa departamenti Krımınaldyq polısııa basqarmasynyń jedel ýákili qyzmetine ishki ister organdaryna qabyldaý tártibiniń barlyq talabyn oryndap, konkýrstan ótip baryp ornalastym. Sodan beri osy qyzmettiń jalyn ustap júrmin. Qyzmet barysynda nebir kúrdeli operasııalardy oryndaýǵa týra keledi. Osy jolǵy áreketimdi men erlik dep baǵalamaımyn, qylmyskerdi ustaý – meniń mindetim», – deıdi Baqytjan Ánýarbekuly.

Osy mindetin oryndaýda batyldyq tanytyp, aýyr qylmys jasap qashyp júrgen kúdiktini ustaǵany úshin polısııa maıory Baqytjan Bákirov pen polısııa aǵa leıtenanty Meıir Nesipbaı Qazaqstan Respýblıkasynyń ishki ister mınıstri E.Turǵymbaevtyń buıryǵymen «Quqyqtyq tártipti qamtamasyz etýge qosqan úlesi úshin» medalimen marapattalǵan bolatyn.

Al jýyrda Baqytjan Ánýarbekuly Bákirov Qazaqstan Prezıdenti Qasym-Jomart Toqaevtyń Jarlyǵymen ekinshi dárejeli «Aıbyn» ordenimen marapattaldy. Quttyqtaımyz!

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir