О́tken jyly Prezıdent Qasym-Jomart Toqaev Qazaqstan halqyna Joldaýynda aýyl sharýashylyǵy jerlerin paıdalanýdyń tıimdiligin baqylaý men monıtorıngti kúsheıtý jóninde (merzimi: 2019 j. qarasha – 2021 j.), sondaı-aq olardy alyp qoıýdyń mehanızmin kúsheıte otyryp, paıdalanylmaıtyn aýyl sharýashylyǵy jerlerin óndiristik qyzmetke tartý jónindegi jumysty jandandyrý týraly tapsyrmalar berdi (merzimi: 2019 jylǵy qarasha, 2020 jylǵy mamyr). Al osydan úsh jyl buryn Elbasy Nursultan Nazarbaev maqsatyna saı paıdalanylmaıtyn nemese zańnamany buza otyryp paıdalanylatyn barlyq aýyl sharýashylyǵy jerin alyp qoıýdy jáne olardy 2019 jyldyń sońyna deıin aýyl sharýashylyǵy aınalymyna tartýdy qamtamasyz etýdi tapsyrǵan bolatyn. Soǵan sáıkes Shyǵys Qazaqstanda osy baǵyttaǵy jumystar turaqty túrde ýákiletti jáne jergilikti atqarýshy organdarmen birlesip júrgizilýde. Bul týraly ShQO aqparattyq ortalyǵynda ótken brıfıng barysynda jerdi paıdalaný jáne qorǵaýdy baqylaý basqarmasynyń basshysy Seısenǵazy Chýkaev málim etti.
 
Brıfıng barysynda basqarma basshysy 2015-2019 jyldar aralyǵynda paıdalanylmaıtyn nemese zańnamany buza otyryp paıdalanylatyn 1 554,0 myń ga aýyl sharýashylyǵy jerleri anyqtalǵanyn atap ótti. Onyń ishinde 1 032,3 myń ga memleket menshigine qaıtarylǵan (onyń ishinde 908,5 myń ga aýyl sharýashylyǵy aınalymyna tartyldy, 123,8 myń ga tartylmaǵan – jerge ornalastyrý jobasynyń daıyndyǵyna qaraı konkýrsqa shyǵarylady, sondaı-aq suranys joq alystaǵy ýchaskeler bar), 214,2 myń ga – jer paıdalanýshylar jerdi paıdalanýǵa kiristi, 307,5 myń ga – materıaldar memlekettik organdardyń qaraýynda (jerlerdi qaıtarý boıynsha jumystar júrgizilýde, ıesiz múlik retinde esepke alynǵan, sotqa talap-aryz jiberý úshin materıaldar daıyndalýda).
 
ShQO aqparat ortalyǵy
Ilmek sózder: ShQO jer

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir