N.Nyǵmatýlın medısına qyzmetkerlerin kásibı merekelerimen quttyqtady

Májilis Tóraǵasy Nurlan Nyǵmatýlın elimizdiń densaýlyq saqtaý salasynyń ókilderin Medısına qyzmetkerleri kúnimen quttyqtady.

Nurlan Nyǵmatýlın Májilis depýtattarynyń atynan quttyqtaýdy óziniń twitter-degi jeke paraqshasynda jarııalady.

«Májilis depýtattary atynan medısına qyzmetkerlerin kásibı merekesimen quttyqtaımyn! Búgin ózim aýrýhanada em qabyldap jatqanda, dárigerler men medbıkelerdiń indetpen kúreskenine kýá boldym. Sizderdiń eńbekterińizdi baǵalaımyz! Barshańyzǵa zor densaýlyq jáne amandyq tileımin!» dep jazdy Májilis Tóraǵasy.

Nurlan Nyǵmatýlınniń aıtýynsha, Medısına qyzmetkeriniń kúni búgingi tańda naǵyz jalpyhalyqtyq merekege aınaldy. Árbir dárigerdiń halyqtyń densaýlyǵyn qorǵaý jolyndaǵy qosqan úlesteri orasan zor.

Osyǵan oraı, Májilis Tóraǵasy barlyq qazaqstandyqtardyń denderine saýlyq jáne amandyq tiledi.