Prokýror Almazbek Atambaevty 15 jylǵa sottaýdy surady

Prokýratýra sottan Qyrǵyzstannyń eks-prezıdenti Almazbek Atambaevty 15 jylǵa bas bostandyǵynan aıyrýdy surady. Bul týraly Azattyq habarlady.

Sonymen qatar eks-prezıdenttiń advokaty Zamır Jooshevtyń aıtýynsha, Atambaevty barlyq memlekettik nagradalarynan aıyryp, múlkin tárkileýdi suraǵan. 

Batýkaevty zańsyz bosatý jónindegi qylmystyq iste 19 aıyptalýshy bar. Tórt aıyptalýshynyń (arasynda Almazbek Atambaev ta bar) isi jeke óndiriske bólinip, Pervomaı aýdandyq sotyna jiberilgen. 14 adam tergeý tarabymen kelisim jasasqan. Olardyń isi Sverdlov aýdandyq sotyna jiberilgen.

Qylmystyq top jetekshisi Azız Batýkaev 2013 jyly Naryndaǵy túrmeden densaýlyǵyna baılanysty merziminen buryn bosatylǵan. Dárigerlerdiń bergen anyqtamasynda onyń "aýyr syrqatqa ushyraǵany" jazylǵan. Sol kezde ol Bishkektiń halyqaralyq áýejaıyna jetkizilip, sol jerden Groznyıǵa ushyp ketken.

2019 jyly Reseıdiń ishki ister mınıstrligi bul fakt boıynsha tergeý amaldaryn qaıta bastaǵan. Qazir is sotta qaralyp jatyr. Ony zańsyz bosatý boıynsha iste Almazbek Atambaevtan bólek, burynǵy bas prokýror Indıra Joldybaeva, qylmystyq atqarý memlekettik qyzmeti tóraǵasynyń burynǵy keńesshisi Kalybek Kachkynalıev, gematologııa ortalyǵynyń burynǵy dırektory Abdýhalık Raıymjanov bar. Bul is boıynsha, ózge de burynǵy joǵary laýazymdy tulǵalar aıyptalǵan.