12 Maýsym, 2020 NEWS

Vladımır Zelenskııdiń áıeli koronavırýs juqtyrdy

Ashyq derekkóz

Ýkraına prezıdenti Vladımır Zelenskııdiń áıeli Elena Zelenskaıa koronavırýs ınfeksııasyn juqtyrǵan. Ol qazirgi ýaqytta ambýlatorııalyq emdeýde. Bul týraly Rıa habarlady.

Ýkraına basshysy jáne onyń balalary COVID-19 test tapsyryp, nátıjesi teris shyqqan.

Zelenskıı buǵan deıin azamattarǵa "bul oba emes" ekenin kórsetý úshin koronavırýs juqtyrǵysy keletinin aıtqan.

– Ýkraına Prezıdentiniń áıeli Elena Zelenskaıa COVID-19 test tapsyryp, nátıjesi oń shyqqan. Ol ózin jaqsy sezinedi, aýrýdyń belgileri bolyp jatqan joq. Qazir Elena Zelenskaıa otbasy múshelerinen oqshaýlanyp, ambýlatorlyq em sharalaryn alyp jatyr, – dedi Ýkraına basshysynyń baspasóz qyzmeti.

Baspasóz qyzmetiniń habarlaýynsha, ınfeksııanyń qaıda jáne qashan paıda bolǵany áli belgisiz, ázirshe epıdemıologııalyq tekserý jumystary júrgizilýde.

Ýkraınanyń densaýlyq saqtaý mınıstrligi elde koronavırýs juqtyrýshylardyń jalpy sany – 29 753 adamǵa jetkenin habarlady. Onyń ishinde emdelip shyqqany – 13 567, al qaıtys bolǵandar – 870.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir