• USD 412.55
  • EUR 465.73
  • RUB 5.79
  • CNY 58.91

31 Mamyr, 2020 NEWS

«Ult tarıhynyń zobalańǵa toly kúrdeli kezeńin sana súzgisinen ótkizer taǵlym mezeti»

qamshy.kz

Nur Otan partııasy tóraǵasynyń birinshi orynbasary Baýyrjan Baıbek Facebook jelisindegi paraqshasynda saıası qýǵyn-súrgin jáne asharshylyq qurbandaryn eske alý kúnine oraı jarııalaǵan jazbasynda osylaı dedi.

«Qadirli otandastar!

Búgin – elimizde Saıası qýǵyn-súrgin jáne asharshylyq qurbandaryn eske alý kúni. Tutas ulttyń jartysyna jýyǵynyń ǵumyryn qıǵan alapat ashtyq qurbandary men áıgili 37-niń, odan bergidegi qýǵyndaýlarda opat bolǵan ulttyń betke ustar tulǵalarynyń ǵazız rýhtaryna bas ıer taǵzym kúni. Ult tarıhynyń zobalańǵa toly kúrdeli kezeńin, aýyr zardabyn zerdeler, sana súzgisinen ótkizer taǵlym mezeti.

– О́tken ǵasyrdyń 20-50 jyldaryndaǵy keńestik saıası qýǵyn-súrginniń ultymyzǵa keltirgen qasireti orasan. Qolda bar derekterge súıensek, 1930 jyldardaǵy ashtyqta ultymyzdyń jartysyna jýyǵy qyryldy. Bir mıllıondaı qandasymyz tarydaı shashyrap, shet elderge bosyp ketti.Ozyq oıly, aldyńǵy qatarly 100 myńdaı azamatymyz jazyqsyz qýǵyn-súrginge ushyrap, 20 myńdaıy atyldy. Zulmat jyldary Keńes odaǵynyń jer-jerinen Qazaq eline túrli ult ókilderi májbúrlep jer aýdarylyp, olardyń da kópshiligi taǵdyr taýqymetin birge tartty. Qanshamasy osy jerde máńgilik tynys tapty. Ult basyna osynshama ǵalamat qaıǵy-qasiret ákelgen bul náýbet eshqashan umytylmaıdy. Osyny eskerip, elimizdiń Tuńǵysh Prezıdenti, Elbasy Nursultan Nazarbaev 1997 jyly óz Jarlyǵymen 31 mamyrdy Saıası qýǵyn-súrgin qurbandaryn eske alý kúni dep belgiledi, – dedi Baýyrjan Baıbek.

Sondaı-aq, ol elimizdiń jer-jerinde qýǵyn-súrgin qurbandaryna arnap kóptegen eskertkishter salynyp, mýzeıler ashylǵanyn, arhıv derekteri ashylyp, kóptegen zertteýler júrgizilgenin tilge tıek etti. ⠀

"Áli de ashylmaǵan aqtańdaqtarymyz qanshama. Memleket basshysy Qasym-Jomart Toqaevtyń keshegi úndeýinde «tarıhı ádildikti qalpyna keltirý jumystaryn aıaqtap, saıası qýǵyn-súrgin qurbandaryn aqtaý úshin arnaıy memlekettik komıssııa qurýdy" tapsyrýy osy olqylyqtardyń ornyn toltyrýǵa zor serpin bermek.

Qashanda el birligi men yntymaǵyn maqsat tutqan «Nur Otan» partııasy da ultymyzdyń tarıhyndaǵy mundaı qasiretti kezeńderdi urpaq jadynda saqtaýǵa, ótkennen sabaq alýǵa úndeıtin sharalarǵa muryndyq bolyp keledi. Partııa janyndaǵy «Mıras» keńesi de bul iske tıisinshe atsalysatyn bolady.

Taǵdyrdyń tezinen, tozaqtyń ózinen ótse de ultymyzdyń qaısar rýhy, almastaı jigeri muqalmady. Keshegi Alash arystarynyń asyl armandary oryndalyp, óz aldyna derbes, álem tanyǵan qýatty el boldy. Endi joǵymyzdy túgendep, barymyzdy baǵalap, eldigimizdi nyǵaıtý - bárimizge ortaq paryz. Ataly sózge, salıqaly basshyǵa júginsek, bizdi syrtymyzdan jaý, ishimizden daý almaıdy. Alash ardaqtysy Álıhan Bókeıhan aıtqandaı, «Bostandyqqa aparatyn jalǵyz jol – ulttyq yntymaq qana». Ultymyzdyń basynda mundaı náýbet eshqashan qaıtalanbasyn.Elimizdiń irgesi berik, birligi bekem, bolashaǵy jarqyn bolsyn», - dep jazdy Baýyrjan Baıbek.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir