Kórneki sýret
Almaty qalasynyń ákimdigi «Zor Rýh» qaıyrymdylyq qorymen birlesip, Halyqaralyq Otbasy kúnin merekeleý aıasynda qazaqstandyqtar úshin onlaın rejımde birqatar is-sharalardy iske qosty.
Atalǵan is-sharanyń maqsaty – otbasylyq qundylyqtardy nyǵaıtý, sondaı-aq tulǵalyq rýhanı jaǵynan damýǵa kómek kórsetý.
«Rýhanı jańǵyrý» baǵdarlamasynda qoǵamdyq sanany jańǵyrtýǵa, mádenı kodty nyǵaıtýǵa jáne rýhanı damýǵa erekshe kóńil bólinetinin atap ótken jón.
Otbasylyq ómirge daıyndyq deńgeıin anyqtaý úshin onlaın-testileý ótedi (forms.gle/kdWhvvSjKCnQx67q9), ol jastardyń nekege degen kózqarasyn baǵalaýda járdem berip, sanaly kózqaraspen otbasyn qurýǵa múmkindik beredi. Testileý qorytyndysy boıynsha ball túrindegi nátıjeler, sondaı-aq tulǵalyq damýy úshin paıdaly ádebıetke qol jetkizý, otbasyndaǵy ózara qarym-qatynasty nyǵaıtý qoljetimdi bolady.
Sonymen qatar, aǵymdaǵy jyldyń 15 mamyrynda saǵat 15.00-de jastarǵa, otbasylyq juptarǵa óz-ózderin túsinýge jáne bir-birin jaqsy túsinýge kómektesetin otbasylyq qarym-qatynas taqyrybyna tegin onlaın semınar-trenıng ótkiziledi. QR Kásibı psıhologııalyq lıgasy men Ulttyq trenerler pýlynyń múshesi Danııl Faızýllaev óziniń Instagram paraqshasynda tikeleı efır ótkizedi (instagram.com/danil_faizullaev), suraq qoıý jáne jaýap alý múmkindigi bolady. Is-shara jastardyń neke-otbasy qatynastaryn qurý máseleleri boıynsha habardar bolý deńgeıin arttyrýǵa baǵyttalǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir