О́rt kezinde páterde bolǵan úı ıesi qaıtys boldy

Shyǵys Qazaqstan oblysy Shúlbi kentinde órt sóndirýshiler órt kezinde 21 adam men tórt balany evakýasııalady., dep habarlady Polisia.kz.

О́rt turǵyn úılerdiń birinde bolǵan. Kórshiler 4-qabattaǵy tútindi baıqap, órt sóndirý bólimine habarlasqan. Oqıǵa ornyna órt sóndirýshiler úsh mınýt ishinde kelip jetti.

Barlaý kezinde janyp jatqan páterden úı ıesi es-tússiz kúıde tabylǵan. Zardap shegýshiniń tamyr soǵysy bolmaǵandyqtan birinshi medısınalyq járdem kórsetilgen. Alaıda kelip jetken aýyldyq feldsher 1972 jyly týǵan er qaıtys bolǵanyn anyqtady.

Osy ýaqytta órt sóndirýshilerdiń ekinshi býyny tútin basqan úıden turǵyndardy evakýasııalaı bastady. Ár páterdi aralap, dalaǵa shyǵýlaryn ótindi. Barlyǵy 25 adam, onyń ishinde 4 bala evakýasııalandy.

Eki sharshy metrdegi órt sóndirildi, ǵımaratty tolyq qarap shyǵyp, turǵyndarǵa qaýiptiń joq ekenine kóz jetkizgennen keıin daladaǵy turǵyndardyń úılerine kirýlerine ruqsat berildi.

О́rttiń shyǵý sebebi  – otty abaısyz paıdalaný jáne mas kúıde temeki shekken dep boljanýda. 

Jalpy oblys boıynsha jyl basynan beri órt kezinde 12 adam qutqaryldy, 340 adam evakýasııalandy, 28 adam kóz jumdy. Polısııa departamenti turǵyndardan órt qaýipsizdigi erejelerin saqtap, órt kezinde dereý "101" nómirine qońyraý soǵýdy suraıdy.