Janar Qudaıbergenova. Vodnıkte ıslamǵa kek, qazaqqa dushpandyq órship tur

Egemen Qazaqstan memleketiniń burynǵy Astanasy bolǵan Almaty qalasynyń irgesinde ornalasqan, Almaty oblysyna qarasty Ile aýdany, Buraldaı eldimekenindegi Vodnık yqsham aýdany musylmandary qatty qorshylyq kórip otyr.  Vodnık eldimekeninde salynǵanyna on shaqty jyl bolǵan úlken meshit bar, munda oraza ustap, namaz oqıtyn musylman erekshe kóp. Juma namazyna jınalǵan jamaǵattyń ózi eki úlken bólmege syımaı qalady. О́kinishtisi, mundaǵy musylmandardyń quqy buzylyp, ulttyq, dindik namystary  Islamǵa qarsy, Qazaqqa jaý Otandastarymyz tarapynan qorlanǵaly biraz jyl bolǵan. Ár jyly qasıetti Ramazan aıy kelisimen, mundaǵy eń úlken másele Sýdan týyndaıdy. Vodnık1, Vodnık2, Vodnık3 dep atalatyn móltek aýdandarda qabat úılerden bastap,  jer úılerge sý berý ramazan aıynda maqsatty túrde toqtatylady.  Oraza tutqan musylman balasy Tańǵy asty daıyndaıtyn mezgilde, ıaǵynyı, Tańǵy sáresini daıyndaıtyn kezde, musylman balasy taHarat alyp, ǵusyl quıynyp, jýynatyn kezde, túngi saǵat 1:00 mólsherinen sý toqtaylǵannan bastap, kún shyqqanǵa deıin sý berilmeıdi.  Eń soraqysy, munda birneshe jyldan beri ár juma kúni juma namazynan buryn, mindetti túrde sý toqtatylady. Mundaı qubylys maqsatty túrde jasalynatynyn mundaǵy jurttyń barlyǵy biledi. Juma namazy aıaqtalǵanda sý beriledi. Mundaǵy musylman jamaǵaty úshin bul úırenshikti jaǵdaı. Olar ár jyly qadyr túni kelerde, sý salasyn ustap otyrǵan Otandastarymyzǵa jalynyp, jalbarynýmen keledi. Eń qyzytysy, Jumadan basqa kúnderdiń eshqaısysynda kúndiz sý berý toqtatylmaıdy. Ramazan aıynan basqa aılardyń eshqaısysynda tún ortasynan tań atqanǵa deıin sý toqtatylmaıdy. Eń ǵajaby, mundaǵy Sý Qudaılary QMDB taratqan oraza-namaz kestesine qarap otyryp, bir mınýt-bir sekýnd ary-beri  qalt jibermeı, "qatelespeı" sýdy berip jáne toqtatyp otyrady. Ár Juma kúni kúndiz  mindetti túrde toqtatylatyn sý juma namazy aıaqtalǵanda avtomatty qosylady. Demek, Juma namazyna ǵusyl quıynyp baratyn musylmandar ǵusyl quıyna almaıdy. Meshittegi jamaǵat "Sary Aǵashpen" taHarat alǵan kezderi de bolǵan. Ramazan aıy aıaqtasymen sýdyń toqtaýy da aıaqtap, 24  saǵat úzilissiz sý beriledi. 

Osy qysasqa, osy qorlyqqa toqtaý barma?

Ásirese, búgin bolatyn qasıetti Qadyr túninde, eki myńǵa taman musylman meshitte qulshylyq jasaıtyn sátte, qubyrdaǵy sýdyń "qudaılarynyń" quqaıy men qorlyǵy, qysasy mundaǵy jýas qazaqrarǵa "qarynymnyń ashqanyna emes, qadyrymnyń qashqanyna jylaımyn" degendi eske salardaı. Qasıetti Qadyr túni mundaǵy "qadyry qashqan qazaqty"  qaıtkende "qasıetsizderge" qadirletýge bolady?

Eldiń, jerdiń, memlekettiń ıesin qorlaǵada da, týra osyndaı qorlaǵan barma?