22 Sáýir, 2020 NEWS

Karantın kezinde taraýyq namazy meshitterde jamaǵatpen oqylmaıdy

almaty-akshamy.kz

Almaty qalasynyń memlekettik bas sanıtarlyq dárigeri Jandarbek Bekshın tótenshe jaǵdaı kezindegi dinı is-sharalardy uıymdastyrý tártibi týraly aıtty. Bul týraly almaty-akshamy.kz málimdedi. 

– Qazaqstan musylmandary dinı basqarmasy elimizdegi tótenshe jaǵdaıǵa baılanysty, qasıetti Ramazan aıynda indettiń taralyp ketpeýi úshin karantın kezinde taraýyq namazy meshitterimizde jamaǵatpen oqylmaıtynyn málimdedi. Biz barshanyń amandyǵy úshin jasalyp otyrǵan bul qadamdy tolyǵymen quptaımyz. Sondyqtan taraýyq namazyn óz shańyraǵyńyzda, otbasy múshelerimen oqýǵa keńes beremiz. Biz osylaı oqshaýlaný arqyly juqpaly indettiń jolyn kesemiz, – dedi Almaty qalasynyń memlekettik bas sanıtarlyq dárigeri Jandarbek Bekshın.

Sonymen qatar, spıker Qazaqstan musylmandary dinı basqarmasy qaýipti indettiń taralyp ketpeýi maqsatynda meshitterde, dámhanalarda, qoǵamdyq oryndarda, taǵy da basqa mekemelerde jınalyp aýyzashar berýdi ýaqytsha toqtatý kerektigin aıtty.

– Ramazan aıy kelisimen kóbimiz aýyzashar berýge asyǵamyz. Aýyzashar berý – musylman qaýymy úshin mańyzy zor saýapty isterdiń biri. Degenmen, biz úıge de adamdardyń basyn qosyp, aýyzashar berýge úzildi-kesildi qarsymyz. Qasıetti aı kezinde musylman baýyrlar óziniń aǵaıyn-týysyna, dostaryna, tanystaryna aýyzashar berý paryzyn oryndaǵysy kelse, as mázirin úılerine jetkizip berýine bolady. Ol úshin azyq-túlik ónimderi sapaly, taza, mindetti túrde oralyp, qaptalǵan bolýy kerek jáne tasymaldaý úshin qaladaǵy klınıngtik kompanııalar qyzmetin paıdalanǵan abzal. Sondaı-aq, áleýmettik qoldaýǵa muqtaj jandarǵa da osyndaı jolmen kómek qolyn sozýǵa bolady, – dedi J.Bekshın.

Qalanyń memlekettik bas sanıtarlyq dárigeri namaz kezinde de, aýyzashar ýaqytynda da jeke bastyń sanıtarlyq-gıgıenalyq tazalyǵyn qatań saqtaý kerektigin eskertti.

Osy oraıda aıta keteıik, Ramazan aıynda jamaǵattyń kez-kelgen saýalyna der kezinde jaýap berý úshin 33-30-30 nómirli call-ortalyq ashylǵan. Bul ortalyqqa Nur-Sultan qalasynyń kody arqyly qońyraý soǵýǵa bolady. Sall-ortalyqta din salasynyń bilikti mamandary táýlik boıy qazaq jáne orys tilindegi suraqtarǵa jaýap beretin bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir