Almatyda jumysyn qaıta bastaǵan kásiporyndardyń tizimi

20 sáýirden bastap Almatyda ónerkásiptik kásiporyndar, qurylys nysandary jáne zańdy tulǵalarǵa qyzmet kórsetý úshin HQKO óz jumysyn bastady.

Atalǵan kásiporyndarǵa óndiris kezinde sanıtarlyq-epıdemıologııalyq qaýipsizdikti qamtamasyz etý talaptarynyń saqtalýyna aýdıt júrgizildi. Aýdıtti Almaty qalasynyń kásipkerlik jáne ınvestısııalar basqarmasy, taýarlar men qyzmetterdiń sapasy men qaýipsizdigi departamenti jáne «Atameken» Almaty О́KP qyzmetkerleri kiretin jumys toptary júrgizedi.

Buryn habarlanǵandaı, Memlekettik komıssııanyń sheshimimen 20 sáýirden bastap Almaty qalasynda kásiporyndardy kezeń-kezeńimen iske qosý aıasynda: ónerkásiptik kásiporyndar, qurylys kompanııalary, sondaı-aq aldyn ala jazylý boıynsha notarıýstar jáne tek bızneske qyzmet kórsetý úshin Naýryzbaı aýdanyndaǵy HQKO-nyń bir bólimshesiniń jumysyna ruqsat etilgen.

Osy salalardaǵy kásiporyndardy iske qosý aýdıtten ótkennen keıin jáne kásiporyndardyń daıyndyǵy jáne barlyq sanıtarlyq-epıdemıologııalyq talaptardy saqtaý týraly oń sheshim alǵannan keıin múmkin bolmaq. Tekserýdi jergilikti atqarýshy organdar ókilderiniń, «SES» mamandary jáne «Atameken» UKP qyzmetkerleriniń jumys toptary júrgizedi.
Atalǵan kásiporyndar jumysy iske qosylǵannan keıin olar baqylaýǵa alynady jáne tártip buzýshylyqtar anyqtalǵan jaǵdaıda olarǵa qyzmetin toqtatýǵa deıin shara qoldanylady.

Qyzmetkerlerdi COVID-19 indetinen qorǵaý jónindegi is-sharalardyń tolyq tizimi qalanyń barlyq ónerkásip jáne qurylys nysandary úshin ázirlengen. Jumys berýshiler qatań sanıtarlyq normalardy saqtaý úshin derbes jaýapkershilikke ıe.

Máselen, nysandarda teplovızorlardyń kómegimen jáne jýrnalǵa tirkeýmen baılanyssyz termometrııa men densaýlyq jaǵdaıyna baılanysty saýalnama júrgizý arqyly kúndelikti aýysym aldyndaǵy medısınalyq tekserý talap etiledi. Barlyq qyzmetkerlerdi medısınalyq betperdeler jáne qolǵaptarmen, dezınfeksııalaýshy oramaldarmen, sonymen qatar teri antıseptıkterimen, sanıtaızerlermen qamtamasyz etý qajet.

 

Sonymen qatar, jumysshylardyń top bolyp jınalmaýyn qadaǵalaý kerek. Olar barynsha araqashyqtyqty saqtaýǵa mindetti. Jıyndardyń sanyn barynsha qysqartý, sondaı-aq adamdardyń bir jerde kóp shoǵyrlanýyn, sonymen qatar, ashanalarda boldyrmaý mańyzdy. Úı-jaılarda turaqty dezınfeksııa jáne ylǵaldy tazalaý, jeldetý jáne aýa baptaý júıeleri, sondaı-aq jeke gıgıena úshin sanıtarlyq toraptar jáne t. b. jumys isteýi tıis.

Jiti respıratorlyq juqpalar (joǵary temperatýra, jótel, muryn) jáne basqa da juqpaly aýrýlar baıqalatyn qyzmetkerlerdi jumysqa jiberýge tyıym salynady. Bul jaǵdaıda qyzmetkerdi dereý oqshaýlap, jedel medısınalyq járdem brıgadasyn shaqyrý qajet.

Osyǵan baılanysty tıisti aýdıt jáne kásiporynnyń karantın jaǵdaıynda jumys isteýge daıyndyǵy týraly qorytyndy júrgizilgennen keıin ǵana olarǵa qyzmetkerler men kólik quraldary týraly derekter infoalmaty.kz bazasyna engizile otyryp, qala ishinde júrýlerine ruqsat beriletin bolady.