12 Sáýir, 2020 NEWS

Ústemeaqy alǵan dárigerler memlekettiń qoldaýyna alǵysyn aıtyp jatyr

Inform.kz

Ústemaqyǵa ıe bolǵan dárigerler memlekettiń qoldaýyna alǵysyn bildirip jatyr, dep habarlaıdy QazAqparat.

Aıta ketsek QR Densaýlyq saqtaý mınıstri Eljan Birtanov búkil elimiz boıynsha 30 myńnan astam dáriger ústemeaqy alatynyn habarlaǵan edi.

Densaýlyq saqtaý salasyndaǵy qyzmetkerlerdi qarjylyq turǵyda qoldaýdy uıymdastyryp, qosymsha aqyny bólip berý maqsatynda oblystardaǵy jergilikti atqarýshy organdar tıisti komıssııany qurǵan edi. Memlekettiń qoldaýyna ıe bolǵan dárigerler alǵysyn aıtýda.

«Asa qaýipti» sanatqa enetin dárigerler 850 myń teńge ústemeaqyǵa qol jetkizetini belgili. Sonyń biri – elordadaǵy №3 qalalyq kópbeıindi balalar aýrýhanasynyń dárigeri Aınur Omarova. Qazaqstan ulttyq arnasy arqyly ol 20 kún boıy jumysta júrgenin jetkizdi.

«Eki balamdy osy 20 kún boıy kórgen joqpyn. Olardy jazda demalysqa aparýǵa ýáde bergenmin. Osy alynǵan ashqany ıpotekalyq bastapqy tólemge jumsaımyn», - deıdi ol.

Balalar juqpaly aýrýhanasynda asa qaýipti birinshi sanatta 6 dáriger qyzmet etedi. Qaýiptiligi ortasha ekinshi sanatta 3 maman. Naýryz aıyndaǵy jalaqylaryna eselep aqsha alǵan olardyń alǵysy sheksiz.

«О́z atymnan jáne osy jerdegi dárigerlerdiń báriniń atynan mınıstrlikke alǵys bildiremin. Qıyn kezde bizdiń janymyzda boldy. Psıhologııalyq kómek kórsetti. Oǵan qosa eńbegimizdi elep, qarjylaı qoldaý bildirgeni – zor qýanyshqa keneltip otyr», - deıdi atalmysh aýrýhananyń taǵy bir dárigeri Inna Iаkovenko.

Ústeme qarajat 3 aı qatarynan beriledi. Bul dárigerler úshin úlken demeý. Qazir olardyń jumysy qıyndamasa, jeńildegen joq. Sebebi saqtyq sharalaryn qatań saqtap epıdemııany taratpaý úshin olar baryn salýda. Úılerine qashan qaıtatyny da ázirge belgisiz.

 

Ilmek sózder: Ústemaqy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir