31 Naýryz, 2020 NEWS

Koronavırýs: Jalǵan habar taratý boıynsha 45 fakti anyqtaldy

7kun.kz

QR Ishki ister mınıstri Erlan Turǵymbaev Ortalyq kommýnıkasııalar qyzmetinde ótken brıfıngte koronavırýs týraly jalǵan aqparat taratqan faktilerdiń jalǵasyp jatqanyn  aıtty. Bul týraly Kazinform habarlady.

– Feık jańalyq avtorlary naqty eldimekender men medısınalyq uıymdardyń atyn jazyp, aýrý juqtyryp, qaıtys bolǵandardyń sanyn oılap tabady jáne joq tyıymdardy aıtady. 25 naýryz kúni Kókshetaý qalasynda Koreıadan aýrý juqtyryp kelgen naýqastardyń Aqmola oblysynda jatqany týraly jalǵan habar taratqan top ustaldy, – dedi mınıstr.

29 naýryzda Atyraý oblysynda áleýmettik jelide taralǵan 3 jalǵan aqparat tabyldy.

– Jalǵan áńgimelerdi taratý arqyly bul adamdar halyqty úreılendirip júr. Qazirgi ýaqytta jalǵan habar taratý boıynsha 45 fakti anyqtaldy. Barlyq kináliler tabylyp, sotqa deıingi tergeý júrip jatyr, – dedi E. Turǵymbaev.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir