Foto: sn.kz
Ulttyq ulan jaýyngerleri karantın rejımin buzǵan tórt azamatty qolǵa túsirdi, dep habarlady Qamshy.kz aqparat agenttigi Polisia.kz deregin negizge alyp.
Oqıǵa Almaty oblysy men qalany bólip turǵan Aqsaı ózeni mańynda bolǵan.
"Keshe saǵat 13.40 shamysynda ulandyq jaýyngerler Almaty qalasynyń kireberisine qoıylǵan tosqaýyl beketti aınalyp ótip, qala aýmaǵyna kirmekshi bolǵan tórt azamatty qolǵa túsirdi. Qanat Beısenbaev basshylyq jasaıtyn áskerı top ózendi kesip ótip, qala aýmaǵyna jaqyndap kele jatqan eki azamatty baıqaıdy. Olardy toqtatyp, mán-jaıdy anyqtaǵanda jumys izdep, qala aýmaǵyna ótpekshi bolǵandary anyqtaldy, - delingen habarlmada.
Belgili bolǵandaı, atalǵan núktedegi karantındik rejımdi baqylaý Ulttyq ulan 5571 áskerı bóliminiń jaýyngerlerine tapsyrylǵan.
Bul oqıǵadan soń taǵy eki azamattyń Aqsaı ózenin kesip ótpek bolǵany anyqtalǵan. Olar ruqsatsyz áreket kezinde ulandyqtardyń qolyna túsken.
Qazir barlyǵy mán-jaıdy anyqtaý úshin aýdandyq Ishki ister basqarmasyna jetkizilgen.
Eske sala keteıik, naýryzdyń 22-si kúni ulandyq ofıser Erkebulan Beısenbaı dál osy Aqsaı ózeni mańynda taǵy bir azamatty ustap, polısııa qyzmetkerlerine tapsyrǵan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir