Qazaqstanda mektepter qashyqtan oqytýǵa kóshedi

QR Aqparat jáne qoǵamdyq damý mınıstri Dáýren Abaev 6 sáýirden bastap qazaqstandyq mektepter qashyqtan oqytýǵa kóshetinin málimdedi, dep habarlaıdy QazAqparat.

– 2020 jyldyń 6 sáýirinen bastap qazaqstandyq mektepter qashyqtan oqytýǵa kóshedi. Qazir Bilim jáne ǵylym mınıstrligi uıymdastyrý tetikterin pysyqtaýda. Bul jónindegi barlyq jańalyqtardy jaqyn ýaqytta habarlaımyz. Sondyqtan túsinistik tanytyp, resmı málimdemeni kútýdi suraımyz. Qazir mektepter men muǵalimderdi suraqtyń astyna alyp, aıyptaýdyń reti joq. Bul másele Úkimettiń quziretinde. Biz barlyǵyn aldyna ala habarlaımyz, – dedi Dáýren Abaev Ortalyq kommýnıkasııalar qyzmetinde ótken brıfıngte.

Onyń sózinshe, osyǵan oraı qosymsha shara retinde «Elarna» men «Balapan» tele arnalarynan oqýshylarǵa arnalǵan vıdeo sabaqtar kórsetiledi.

– Biraq, bul negizgi emes, qosymsha shara. Osyny qaıtalap aıtqym keledi. Atalǵan vıdeo sabaqtardy Bilim jáne ǵylym mınıstrligi daıyndaǵan. Olar «Balapan» telearnasynda qazaq tilinde, al «Elarnada» orys tilinde kórsetiledi, – dedi mınıstr.