21 Naýryz, 2020 NEWS

"Bizdi karantınge jappady". Almatyda "koronavırýs oshaǵy" dep oqshaýlanǵan úılerdiń ahýaly (fotoreportaj)

qamshy.kz

Keshe, 20 naýryzda Almatyda eki jeke úı jáne segiz kóppáterli úı koronavırýs oshaǵy retinde oqshaýlanǵany habarlandy. Qamshy tilshisi Almatydaǵy "koronavırýsqa baılanysty oqshaýlandy" delingen eki úıde bolyp, karantın kezindegi ahýaldy kórip qaıtty. 

Almatydaǵy Jeltoqsan kóshesindegi 125-úıdi kúzetip turǵan polıseıdiń aıtýynsha, osy úıdegi páterlerdiń birinde turatyn 1 adamnan vırýs tabylyp, kóppáterli úı tolyqtaı karantınge jabylǵan. Munda úıdiń aldynda "qaýipti aımaq" degen eskertpe plakat ilinip, polısııa qyzmetkerleri úıdi qaraýyldap tur.

Koronavırýs oshaǵy retinde oqshaýlandy delingen Baıtursynov kóshesi №78/1 úıdiń karantınge jabylǵany baıqalmaıdy. Bul úıdi polısııa da kúzetip turǵan joq, úı mańyna arnaıy eskertý plakattary da ilinbegen.

Qamshy tilshisi "karantınge jabyldy" degen bul úıdiń birneshe turǵynynan oqshaýlaý týraly jáne qalada karantınniń ekinshi kúni qalaı ótip jatqanyn surady. 

–  19 kúni 2 jedel járdem kóligi men polısııa qyzmetkerleri keldi. Olar bizde koronavırýs bar dep oılady. Bizdi keshki 8-de karantınge jappaq boldy. Eshqandaı kúdik bolmaǵandyqtan karantınge jappady. Aıtylyp jatqan ósek-aıanǵa biz senbeımiz. Tek telearna taratyp jatqan jańalyqtarǵa jáne mınıstrliktiń resmı aqparatyna senemiz. Qazirgi tańda eshqandaı da qıyndyqtar bolyp jatqan joq. Keshe tolyqtaı úılerdi dızınfeksııalady. Biz aıtylǵan eskertpelerdi tyńdap, dúkenge azyq-túlikke ǵana shyǵamyz, onyń ózinde maskamen. Bizde bári jaqsy, – dedi qala turǵyny P.Natalıa.

Osy úıdegi PIK (páter ıeleriniń kooperatıvi) tóraıymy Janar Janzaqovanyń aıtýynsha, olar turǵyndarmen kúndelikti tyǵyz qarym-qatynas ornatyp, qajettilikterin qamtamasyz etip otyr. 

– Keshe tolyqtaı dızınfeksııa jumystary júrgizildi. Balalar oınaıtyn alańǵa eshqandaı balalar shyqpaıdy. Turǵyndar da syrtqa shyǵyp jatqan joq, tek dúkenge azyq-túlikke barady. Bul jerdiń jertólesinde PIK qyzmetkerleri qashyqtan jumys isteıdi. Bizge ótinimder túsken jaǵdaıda santehnıkterdi jiberip otyramyz. Barlyq jumysshylar maskamen qamtamasyz etilgen. Turǵyndar barlyq jaıtqa túsinikpen qarap jatyr, narazylyq bolyp jatqan joq. Kúndelikti 2 jumysshy kezekshi bolyp qalady. 36 úıdi sýmen qamtamasyz etý, aýlany taza ustaý syndy qyzmetterdi tolyq oryndap otyrmyz. Eger de turǵyndar tarapynan suraqtar nemese qıyndyqtar týyndasa, PIK-ke habarlasady, – deıdi  Janar Janzaqova.

 Taǵy oqyńyz:

♦ "Úıde otyryp ábden zeriktik". Almatydaǵy indet oshaqtaryndaǵy jaǵdaı

♦ Resmı aqparat: Almatydaǵy koronavırýs oshaqtarynyń tizimi ataldy

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir